Gujarat Job Interview Video Viral: నిరుద్యోగానికి నిదర్శనం!..5 పోస్టులు.. 1000 మంది పోటీ

ఓ కెమికల్‌ కంపెనీ నిర్వహించిన వాక్‌-ఇన్‌ ఇంటర్వ్యూకు పెద్ద ఎత్తున అభ్యర్థులు హాజరైన కావటంతో తొక్కిసలాట లాంటి గందరగోళ పరిస్థితి చోటుచేసుకుంది. దీనికి సంబంధిచిన ఓ వీడియో ప్రస్తుతం సోషల్‌ మీడియాలో వైరల్‌గా మారింది. వివరాల్లోకి వెళ్లితే.. గుజరాత్‌లోని భారుచ్‌ జిల్లాలో ఓ ప్రైవేట కెమికల్‌ కంపెనీ గురువారం 42 పోస్ట్‌లకు వాక్‌-ఇన్‌ ఇంటర్వ్యూ నిర్వహించింది. 

5 పోస్టులకు వెయ్యి మంది చొప్పున భారీగా అభ్యర్థులు ఇంటర్వ్యూ నిర్వహించే అంకలేశ్వర్‌లో ఉన్న హోటల్‌కు తరలివచ్చారు. రెజ్యూమ్‌లు చేతపట్టుకొని పెద్ద ఎత్తున అభ్యర్థులు లైన్‌లో నిలబడటంతో హోటల్‌ రేయిలింగ్‌ ఒ‍క్కసారిగా విరిగిపోయింది.

Engineering Counselling 2024: కొత్త ఇంజనీరింగ్‌ సీట్ల పై అధికారుల అభ్యంతరం ... ముగిసిన స్లాట్‌ బుకింగ్‌..

అభ్యర్థుల తీవ్రమైన గందరగోళంతో  తొక్కిసలాట పరిస్థితి ఏర్పడింది. భారీ అభ్యర్థులతో హోటల్‌ ప్రాంగణంలో ఒక్కసారిగా ఆందోళనకరమైన పరిస్థితి చోటు చేసుకుంది. ఈ కంపెనీలో షిఫ్ట్ ఇన్‌చార్జ్‌, ప్లాంట్ ఆపరేటర్‌,సూపర్‌వైజర్‌, మెకానికల్ ఫిట్టర్‌, ఎగ్జిక్యూటీవ్‌‌ ఉద్యోగాల కోసం కెమికల్ ఇంజనీరింగ్ బీఈ, ఐటీఐ చదవినవారు హాజరయ్యారు.