Sakshi Education
దుగ్గొండి: మండలంలోని మల్లంపల్లి గ్రామానికి చెందిన బూర నారాయణ, శోభారాణి దంపతులది నిరుపేద కుటుంబం. కూలీకి వెళ్తేగాని పూటగడవదు. అలాంటి వారి ఇంట్లో వెలుగులు నిండాయి. ఆ దంపతుల కుమారుడు రఘుబాబు ఎస్సై పోస్టుకు ఎంపికయ్యారు. రఘుబాబు టెన్త్‌ వరకు స్థానికంగా ఉన్న ప్రభుత్వ పాఠశాలలోనే చదివాడు. మాసాబ్‌టాంక్‌లోని ప్రభుత్వ పాలిటెక్నిక్‌ కళాశాలలో డిప్లొమా చేశాడు. బీటెక్‌ చదవడానికి డబ్బు సరిపడలేదు. దీంతో ఓపెన్‌ డిగ్రీ చేశాడు. ఈ సమయంలోనే మండల కేంద్రంలోని గ్రంఽఽథాలయంలో చదువుకునే వాడు. ఎస్సై కావాలనే పట్టుదలతో ముందుకు సాగి మొదటి ప్రయత్నంలోనే కొలువు సాధించాడు. ఎస్‌పీఎఫ్‌ విభాగంలోఎస్సై ఉద్యోగం సాధించాడు. దీంతో నిరుపేద ఇంట్లో వెలుగు నిండింది. ఊరంతా సంబురాలు చేసుకుంది.
Published date : 08 Aug 2023 04:06PM
