Inter: నేటి నుంచి ఇంటర్‌ ప్రాక్టికల్స్‌.. ఈ ఏడాది నుంచి కొత్తగా ఈ సబ్జెక్టు ప్రాక్టికల్స్‌

Sakshi Education

సాక్షి, హైదరాబాద్‌: ఇంటర్మీడియెట్‌ పరీక్షలకు అధికారులు అన్ని ఏర్పాట్లు చేశారు. ఎక్కడా ఎలాంటి పేపర్‌ లీక్‌లు లేకుండా చూడాలని సీఎం ఆదేశించిన నేపథ్యంలో ఈ దిశగా చర్యలు చేపట్టారు.

Arrangements Set for Intermediate Exams in Hyderabad Inter practicals from today Intermediate Exams Arrangements Complete in Hyderabad

పెద్ద ఎత్తున ఇన్విజిలేటర్లను నియమించడం, మొబైల్‌ స్క్వాడ్‌లను రంగంలోకి దించనున్నట్లు అధికారులు తెలిపారు. ఈ ఏడాది ఇంటర్‌ ఫస్టియర్‌కు 4,78,527 మంది, సెకండియర్‌కు 4,43,993 మంది.. మొత్తం 9,22,520 మంది హాజరవుతున్నారని వెల్లడించారు. రాష్ట్రవ్యాప్తంగా గురువారం నుంచి ప్రాక్టికల్స్‌ జరుగుతున్నాయి.

థియరీ పరీక్షకు 1,531 పరీక్ష కేంద్రాలు ఏర్పాటు చేస్తే, ప్రాక్టికల్స్‌ కోసం 2,032 కేంద్రాలు ఏర్పాటు చేశారు. బైపీసీ నుంచి 1,04,089 మంది, ఎంపీసీ నుంచి 2,17,714 మంది ప్రాక్టికల్స్‌కు హాజరుకానున్నారు. ఈ ఏడాది నుంచి కొత్తగా ఇంగ్లిష్‌ సబ్జెక్టు ప్రాక్టికల్స్‌ కూడా నిర్వహిస్తున్నారు. ఈ పరీక్ష ఈనెల 16న ఉంటుంది. అన్ని గ్రూపుల వారు హాజరుకావాల్సి ఉంటుంది.

Published date : 02 Feb 2024 10:17AM