School Timings Change: పాఠశాలల సమయాల్లో మార్పులు

Sakshi Education

సాక్షి, హైదరాబాద్‌: హైదరాబాద్‌ జిల్లా మినహా రాష్ట్రంలోని అన్ని జిల్లాల పాఠశాల సమయాల్లో అధికారులు స్వల్ప మార్పులు చేశారు.

School Timings Change — పాఠశాలల సమయాల్లో మార్పులు

అన్ని తరగతులు ఒకే సమయంలో మొదలయ్యేలా ఉత్తర్వుల్లో పేర్కొన్నారు. ప్రాథమిక స్థాయి పాఠశాలలు గతంలో ఉదయం 9 గంటలకు ప్రారంభమై, సాయంత్రం 3.45 వరకూ కొనసాగేవి. ఇక నుంచి 9.30కు ప్రారంభమై, 4.15 గంటల వరకు కొనసాగుతాయి. ప్రాథమికోన్నత పాఠశాలలు గతంలో ఉదయం 9 నుంచి సాయంత్రం 4.15 గంటల వరకు ఉండేవి. వీటిని 9.30 నుంచి సాయంత్రం 4.45 వరకూ నడిపిస్తారు.

హైస్కూల్‌ క్యాంపస్‌లోనే ఉండే ప్రాథమిక, ప్రాథమికోన్నత పాఠశాల వేళల్లో ఎలాంటి మార్పులు లేవు. గతంలో మాదిరి ఉదయం 9.30 నుంచి సాయంత్రం 4.15 వరకూ కొనసాగుతాయి. ఏ స్థాయి స్కూల్‌ అయినా ఉదయం 9.30కే మొదలవుతుంది. ఈ మేరకు జిల్లా అధికారులకు తెలంగాణ పాఠశాల విద్యాశాఖ ఉత్తర్వులు జారీ చేసింది.

Published date : 25 Jul 2023 11:51AM