10th Class & Inter: ఇంటర్‌, పది పరీక్షలకు ఏర్పాట్లు చేయండి

Sakshi Education

నల్లగొండ: ఫిబ్ర‌వ‌రి 28 నుంచి మార్చి 19వ వరకు ఇంటర్మీడియట్‌.. మార్చి 18 నుంచి ఏప్రిల్‌ 2వ తేదీ వరకు నిర్వహించే పదో తరగతి వార్షిక పరీక్షలకు అన్ని ఏర్పాట్లు చేయాలని జిల్లా అదనపు కలెక్టర్‌ హేమంత్‌ కేశవ్‌ పాటిల్‌ ఆదేశించారు.

ఇంటర్‌, పదో తరగతి పరీక్షల నిర్వహణపై ఫిబ్ర‌వ‌రి 22న‌ జిల్లా కలెక్టరేట్‌లో సంబంధిత అధికారులతో సమీక్ష నిర్వహించారు. ఈ సందర్భంగా ఆయన మాట్లాడుతూ ఇంటర్‌ ప్రథమ, ద్వితీయ సంవత్సరాలకు సంబంధించి జిల్లాలో 50 పరీక్ష కేంద్రాల్లో 32,895 మంది జనరల్‌, ఒకేషనల్‌ విద్యార్థులు, అలాగే 473 పరీక్ష కేంద్రాల్లో 19,715 మంది 10వ తరగతి విద్యార్థులు పరీక్షలు రాయనున్నట్లు తెలిపారు.

అధికారులకు కేటాయించిన విధులు బాధ్యతాయుతంగా నిర్వహించాలన్నారు. పరీక్ష కేంద్రాల్లో అన్ని వసతులు కల్పించాలని, కేంద్రాల వద్ద పటిష్ట పోలీసు బందోబస్తుతోపాటు 144 సెక్షన్‌ విధించాలలని సంబంధిత అధికారులను ఆదేశించారు. సమావేశానికి అదనపు ఎస్పీ రాములు నాయక్‌, జిల్లా ఇంటర్మీడియట్‌ విద్యాధికారి దస్రునాయక్‌, జిల్లా విద్యాధికారి భిక్షపతి, ప్రభుత్వ పరీక్షల విభాగం అసిస్టెంట్‌ కమిషనర్‌ యూసఫ్‌ షరీఫ్‌ హాజరయ్యారు.

Published date : 23 Feb 2024 03:50PM