ఏపీ టెట్‌ పరీక్ష విధానం

డీఎస్సీలో టెట్‌ స్కోరుకూ 20 శాతం వెయిటేజీ ఉండటంతో కేవలం అర్హత కోసమే కాకుండా.. మంచి స్కోరు సాధనకూ కృషి చేయాలి. ఏపీ టెట్‌–డిసెంబర్‌ 2017కు నోటిఫికేషన్‌ వెలువడిన నేపథ్యంలో ఆ వివరాలు..

అర్హతలు..
టెట్‌లో రెండు పేపర్లు ఉంటాయి. మొదటి పేపర్‌ ఎస్‌జీటీ పోస్టులకు అర్హత పరీక్ష. కాగా, రెండో పేపర్‌ స్కూల్‌ అసిస్టెంట్‌ పోస్టులకు ఉద్దేశించింది.

పేపర్‌–1: ఇంటర్మీడియెట్‌/తత్సమాన కోర్సులో 50 శాతం మార్కులతో ఉత్తీర్ణతతోపాటు రెండేళ్ల డిప్లొమా ఇన్‌ ఎలిమెంటరీ ఎడ్యుకేషన్‌ లేదా నాలుగేళ్ల బ్యాచిలర్‌ ఆఫ్‌ ఎలిమెంటరీ ఎడ్యుకేషన్‌ లేదా రెండేళ్ల డిప్లొమా ఇన్‌ ఎడ్యుకేషన్‌ (స్పెషల్‌ ఎడ్యుకేషన్‌)లో ఉత్తీర్ణత. ఇంటర్‌లో ఎస్సీ/ఎస్టీ/బీసీ/ దివ్యాంగులకు 45 శాతం మార్కులు. అలాగే 2010 ఆగస్టుకు ముందు ఇంటర్‌ పాసైన జనరల్‌ అభ్యర్థులకు 45 శాతం; రిజర్వేషన్‌ అభ్యర్థులకు 40 శాతం మార్కులు వస్తే సరిపోతుంది.

పేపర్‌–2: బీఏ/బీఎస్సీ/బీకాంలలో 50 శాతం, ఎస్సీ/ఎస్టీ/బీసీ/దివ్యాంగులకు 45 శాతం మార్కుల ఉత్తీర్ణతతో పాటు బ్యాచిలర్‌ ఆఫ్‌ ఎడ్యుకేషన్‌ (బీఈడీ) లేదా బ్యాచిలర్‌ ఆఫ్‌ ఎడ్యుకేషన్‌ (స్పెషల్‌ ఎడ్యుకేషన్‌) లేదా నాలుగేళ్ల బీఏ ఎడ్యుకేషన్‌/బీఎస్సీ ఎడ్యుకేషన్‌లలో 50 శాతం మార్కులతో ఉత్తీర్ణత.

• లాంగ్వేజ్‌ టీచర్‌ ఔత్సాహికులు సంబంధిత లాంగ్వేజ్‌ ఆప్షనల్‌ సబ్జెక్ట్‌గా బ్యాచిలర్‌ డిగ్రీ ఉత్తీర్ణత లేదా సంబంధిత లాంగ్వేజ్‌లో పీజీ ఉత్తీర్ణతతోపాటు లాంగ్వేజ్‌ పండిట్‌ ట్రైనింగ్‌ సర్టిఫికెట్‌ కోర్సు లేదా సదరు లాంగ్వేజ్‌తో బీఈడీలో ఉత్తీర్ణత.
• ఆయా కోర్సుల చివరి సంవత్సరం చదువుతున్న విద్యార్థులు కూడా టెట్‌కు హాజరు కావచ్చు. కానీ, తదుపరి దశలో ఉపాధ్యాయ నియామక పరీక్ష (డీఎస్సీ) నిర్వహించే నాటికి డీఈడీ లేదా బీఈడీలలో ఉత్తీర్ణత సాధిస్తేనే డీఎస్సీకి అర్హత లభిస్తుంది.
• రెండు పేపర్లుగా: టీచర్‌ ఎలిజిబిలిటీ టెస్ట్‌ రెండు పేపర్లు (పేపర్‌–1, పేపర్‌–2)గా ఉంటుంది.

• డీఈడీ అర్హతతో సెకండరీ గ్రేడ్‌ టీచర్‌ (ఎస్‌జీటీ) పోస్టుల ఔత్సాహికులకు ఉద్దేశించింది. అంటే.. ఒకటి నుంచి అయిదో తరగతి వరకు బోధించేందుకు అర్హత కలిగిన అభ్యర్థుల కోసం నిర్దేశించిన పరీక్ష టెట్‌ పేపర్‌–1. టెట్‌ పేపర్‌ 1 మొత్తం ఐదు విభాగాలుగా ఆబ్జెక్టివ్‌ విధానంలో 150 ప్రశ్నలకు (150 మార్కులు) ఉంటుంది.
• పరీక్ష సమయం: రెండున్నర గంటలు.
• చైల్డ్‌ డెవలప్‌మెంట్‌ అండ్‌ పెడగాజీ.. 30 ప్రశ్నలు, 30 మార్కులకు; లాంగ్వేజ్‌–1.. 30 ప్రశ్నలు, 30 మార్కులకు; లాంగ్వేజ్‌–2.. 30 ప్రశ్నలు, 30 మార్కులకు; మ్యాథమెటిక్స్‌ 30 ప్రశ్నలు, 30 మార్కులకు; ఎన్విరాన్‌మెంటల్‌ స్టడీస్‌æ 30 ప్రశ్నలు, 30 మార్కులకు ఉంటుంది. ఈ అయిదు పేపర్లలో లాంగ్వేజ్‌ పేపర్‌–1 మినహా మిగతా అన్నీ కంపల్సరీ పేపర్లే. లాంగ్వేజ్‌–1 పేపర్లను అభ్యర్థులు తమ ఆసక్తి, అర్హత మేరకు ఎంపిక చేసుకోవచ్చు.
• ఇందుకోసం తెలుగు, ఉర్దూ సహా మొత్తం ఎనిమిది లాంగ్వేజ్‌లు అందుబాటులో ఉన్నాయి.

• బీఈడీ అర్హతగా ఆరు నుంచి ఎనిమిదో తరగతి వరకు స్కూల్‌ అసిస్టెంట్‌ హోదాకు పోటీ పడాలనుకునే అభ్యర్థులకు ఉద్దేశించిన పేపర్‌.. టెట్‌ పేపర్‌–2. ఈ పేపర్‌ నాలుగు సెక్షన్లుగా 150 మార్కులకు మల్టిపుల్‌ ఛాయిస్‌ విధానంలో ఉంటుంది.
• పరీక్ష సమయం: రెండున్నర గంటలు.
• చైల్డ్‌ డెవలప్‌మెంట్‌ అండ్‌ పెడగాజీ.. 30 ప్రశ్నలు, 30 మార్కులు; లాంగ్వేజ్‌–1.. 30 ప్రశ్నలు, 30 మార్కులు; లాంగ్వేజ్‌ 2.. 30 ప్రశ్నలు, 30 మార్కులు; మ్యాథమెటిక్స్‌ అండ్‌ సైన్స్‌ టీచర్‌ కోసం మ్యాథ్స్, సైన్స్‌ 60 ప్రశ్నలు, 60 మార్కులు; సోషల్‌ స్టడీస్‌ టీచర్‌ కోసం సోషల్‌ స్టడీస్‌ 60 ప్రశ్నలు, 60 మార్కులకు ఉంటుంది.
• ఇందులో మొదటి మూడు విభాగాలు కామన్‌గా ఉంటాయి. మిగిలిన సబ్జెక్టును తమ సబ్జెక్ట్‌ మేరకు మ్యాథమెటిక్స్‌ అండ్‌ సైన్స్‌ లేదా సోషల్‌ స్టడీస్‌ ఎంచుకోవాల్సి ఉంటుంది.
• పేపర్‌–2లోనూ లాంగ్వేజ్‌–1 పేపర్‌లో తెలుగు, ఉర్దూ సహా ఏడు భాషలలో అభ్యర్థులు తమ ఆసక్తి, అర్హత మేరకు సదరు లాంగ్వేజ్‌ను ఎంపిక చేసుకోవచ్చు.

• జనరల్‌ – 60 శాతం; బీసీ – 50 శాతం; ఎస్సీ/ఎస్టీ/దివ్యాంగ అభ్యర్థులు – 40 శాతం.
• కనీస అర్హత మార్కులు సాధిస్తేనే సదరు స్కోర్‌ను ప్రభుత్వ ఉపాధ్యాయ ఎంపిక ప్రక్రియలో పరిగణనలోకి తీసుకుంటారు. ఈ టెట్‌ స్కోరుకు ఏడేళ్లపాటు వ్యాలిడిటీ ఉంటుంది. ఇప్పుడు టెట్‌లో ఉత్తీర్ణత సాధించి ర్యాంకు కార్డ్‌ పొందిన అభ్యర్థి అదే స్కోర్‌తో తదుపరి ఏడేళ్లలో నిర్వహించే ఉపాధ్యాయ నియామక పరీక్షలకు హాజరయ్యే అవకాశం లభిస్తుంది.