ఓపెన్‌ స్కూల్‌ ఎంతో సులభమైంది

ఓపెన్‌ స్కూల్‌ ప్రాధాన్యతపై అవగాహనలో భాగంగా సోమవారం హనుమకొండ కలెక్టరేట్‌లోని తన చాంబర్‌లో ఓపెన్‌ స్కూల్‌ ఉమ్మడి వరంగల్‌ జిల్లా కోఆర్డినేటర్‌ మురాల శంకర్‌రావుతో కలిసి అడ్మిషన్ల పోస్టర్‌, బ్రోచర్‌ను ఆవిష్కరించారు. ఈ సందర్భంగా సిక్తా పట్నాయక్‌ మాట్లాడుతూ అందరికీ విద్య అందించాలన్నది రాష్ట్ర ప్రభుత్వం ఉద్దేశమన్నారు. మధ్యలో చదువును మానేసినవారికి ఓపెన్‌ స్కూల్‌ ఓ వరం అని తెలిపారు. అడ్మిషన్లకు ఈ నెల 31వరకు అవకాశం ఉందని, ఆసక్తి ఉన్నవారు అడ్మిషన్లు పొందేందుకు అధ్యయన కేంద్రాల కోఆర్డినేటర్లను సంప్రదించాలన్నారు. ఓపెన్‌ స్కూ ల్‌ సిబ్బంది అవినాష్‌, రత్నాకర్‌ పాల్గొన్నారు.