జీతాలివ్వని ప్రైవేట్ విద్యాసంస్థలపై చర్యలు: ఏపీ పాఠశాల విద్యాశాఖ

ఉద్యోగాలు లేక పలువురు ఉపాధ్యాయులు, ఇతర సిబ్బంది కుటుంబ పోషణ కోసం రోడ్లపై కూరగాయలు, చెప్పులు అమ్ముకుంటూ, నిర్మాణ కూలీలుగా మారుతూ ఇతర చిన్నచిన్న పనులు చేసుకుంటున్నారు. ఈ అంశాలు పాఠశాల విద్యాశాఖ దృష్టికి రావడంతో కమిషనర్ వాడ్రేవు చినవీరభద్రుడు గురువారం అన్ని జిల్లాల అధికారులకు ప్రత్యేక ఉత్తర్వులు జారీచేశారు. ప్రైవేట్ విద్యాసంస్థల్లోని సిబ్బందికి జీతాలు ఇవ్వని ఆయా సంస్థలపై చట్టపరమైన చర్యలు తీసుకోవాలని ఆ ఉత్తర్వుల్లో ఆదేశించారు.