మే 14 నుంచి ఇంటర్ అడ్వాన్స్డ్ సప్లిమెంటరీ

819 కేంద్రాల్లో నిర్వహించే ఈ పరీక్షలకు రాష్ట్రవ్యాప్తంగా 4,20,549 మంది విద్యార్థులు హాజరుకానున్నట్లు చెప్పారు. వారిలో ఇంప్రూవ్‌మెంట్ కోసం హాజరు కానున్న వారు 1,25,960 మంది ఉన్నట్లు మే 11న బోర్డు కార్యాలయంలో ఆయన విలేకరులకు వివరించారు. పరీక్షలను పక్కాగా నిర్వహించేందుకు 8,420 మంది ఇన్విజిలేటర్లను, 819 మంది డిపార్ట్‌మెంటల్ ఆఫీసర్లను, 819 మంది చీఫ్ సూపరింటెండెంట్లను నియమించినట్లు తెలిపారు. ప్రథమ సంవత్సర పరీక్షలు ఉదయం 9 గంటల నుంచి మధ్యాహ్నం 12 గంటల వరకు, ద్వితీయ సంవత్సర పరీక్షలు మధ్యాహ్నం 2:30 గంటల నుంచి సాయంత్రం 5:30 గంటల వరకు ఉంటాయని అశోక్ తెలిపారు. విద్యార్థులను ఉదయం 8 గంటల నుంచే పరీక్ష కేంద్రంలోకి అనుమతిస్తామని, 8:45 గంటలకల్లా పరీక్ష హాల్లోకి చేరుకోవాలని సూచించారు. మధ్యాహ్నం పరీక్షలకు హాజరయ్యే విద్యార్థులను 1:30 గంటల నుంచి కేంద్రాల్లోకి అనుమతిస్తామని, 2:15 గంటలకల్లా విద్యార్థులు పరీక్ష హాల్లో కూర్చోవాలన్నారు. పరీక్ష ప్రారంభ సమయం కంటే నిమిషం ఆలస్యమైనా విద్యార్థులను అనుమతించేది లేదని స్పష్టం చేశారు. కొన్ని ప్రైవేటు, కార్పొరేట్ యాజమాన్యాలు విద్యార్థులకు హాల్‌టికెట్లు ఇవ్వకుండా ఇబ్బందులు పెడుతున్నట్లు తమ దృష్టికి వచ్చిందని, అలాంటి వారు ఇంటర్ బోర్డు వెబ్‌సైట్ నుంచి హాల్‌టికెట్లు డౌన్‌లోడ్ చేసుకొని పరీక్షలకు హాజరు కావచ్చని సూచించారు. వాటిపై కాలేజీల ప్రిన్సిపాళ్ల సంతకాలు అవసరం లేదని స్పష్టం చేశారు. పరీక్షలకు సంబంధించి ఏమైనా సమస్యలు ఉంటే 040-24601010/24732369 ఫోన్ నంబర్లలో సంప్రదించవచ్చన్నారు.

మే 24 నుంచి ప్రాక్టికల్స్..
అడ్వాన్‌‌సడ్ సప్లిమెంటరీ పరీక్షల్లో భాగంగానే మే 24 నుంచి 28 వరకు ప్రాక్టికల్స్ నిర్వహించనున్నట్లు అశోక్ ఒక ప్రకటనలో తెలిపారు. అలాగే ఎథిక్స్ అండ్ హ్యూమన్ వ్యాల్యూస్ పరీక్షలను మే 29వ తేదీ ఉదయం 10 గంటల నుంచి మధ్యాహ్నం ఒంటి గంట వరకు నిర్వహించనున్నట్లు పేర్కొన్నారు. 30న ఉదయం 10 గంటల నుంచి మధ్యాహ్నం ఒంటిగంట వరకు ఎన్విరాన్‌మెంటల్ ఎడ్యుకేషన్ పరీక్ష జరుగుతుందన్నారు.

ఇదీ పరీక్షల షెడ్యూల్...

తేదీ	ఫస్టియర్	సెకండియర్
14-05-2018	సెకండ్ లాంగ్వేజీ-1	సెకండ్ లాంగ్వేజీ-1
15-05-2018	ఇంగ్లిష్-2	ఇంగ్లిష్-2
16-05-2018	గణితం-1ఏ, బోటనీ-1	గణితం-2ఏ, బోటనీ-2
	సివిక్స్-1, సైకాలజీ-1	సివిక్స్-2, సైకాలజీ-2
17-05-2018	గణితం-1బీ, జువాలజీ-1, హిస్టరీ-1	గణితం-2బీ, జువాలజీ-2, హిస్టరీ-2
18-05-2018	ఫిజిక్స్-1, ఎకనామిక్స్-1	ఫిజిక్స్-2, ఎకనామిక్స్-2
	క్లాసికల్ లాంగ్వేజీ-1	క్లాసికల్ లాంగ్వేజీ-2
19-05-2018	కెమిస్ట్రీ-1, కామర్స్-1	కెమిస్ట్రీ-2, కామర్స్-2
	సోషియాలజీ-1, ఫైన్‌ఆర్ట్స్, మ్యూజిక్-1	సోషియాలజీ-2, ఫైన్‌ఆర్ట్స్-2, మ్యూజిక్-2
21-05-2018	జియాలజీ-1, హోమ్‌సైన్‌‌స-1	జియోలజీ-2, హోమ్‌సైన్‌‌స-2
	పబ్లిక్ అడ్మినిస్ట్రేషన్, లాజిక్-1	పబ్లిక్ అడ్మినిస్ట్రేషన్-2, లాజిక్-2
	బ్రిడ్జికోర్స్ మ్యాథ్స్-1 (బైపీసీ)	బ్రిడ్జికోర్స్ మ్యాథ్స్-2 (బైపీసీ)
22-05-2018	మాడ్రన్ లాంగ్వేజీ-1, జాగ్రఫీ-1	మాడ్రన్ లాంగ్వేజీ-2, జాగ్రఫీ-2