కేంద్ర ప్రభుత్వానికి చెందిన యునివర్సిటీ గ్రాంట్‌ కమిషన్‌ అనుబంధ సంస్థ నాక్‌ (నేషనల్‌ అసెస్‌మెంట్‌ అండ్‌ అక్రిడేషన్‌ కౌన్సిల్‌) కళాశాలల పనితీరుపై పరిశీలన చేసి గ్రేడింగ్‌లను ప్రకటిస్తుందన్నారు. దాని ప్రకారం ప్రభుత్వం నుంచి అనుమతులు, ఇతర అంశాల్లో గుర్తింపు లభిస్తుందన్నారు. దానికి సంబంధించి గత మాసంలో నాక్‌ నియమించిన ముగ్గురు విద్యావేత్తలు బృందం తమ కళాశాలను పరిశీలించి ప్రభుత్వానికి నివేదికను అందించిందన్నారు. నాక్‌ సంస్థ ఈ నెల 11వ తేదీన తమ కళాశాలకు అత్యంత ప్రతిష్టాత్మకంగా ‘ఏ డబుల్‌ ప్లస్‌’ గ్రేడ్‌ను ప్రకటించిందన్నారు. రాష్ట్రంలో సుమారు 350 ఇంజినీరింగ్‌ కళాశాలలు ఉండగా తమ కళాశాల ‘ఏ డబుల్‌ ప్లస్‌’ గ్రేడ్‌ను పొందిన ఏకై క కళాశాలగా నిలిచిందన్నారు సమావేశంలో కళాశాల ప్రిన్సిపాల్‌ డాక్టర్‌ లక్ష్మీనారాయణ, కేబీఎన్‌ కళాశాల కార్యదర్శి తూనుకుంట్ల శ్రీనివాసు, వైస్‌ ప్రిన్సిపాల్‌ డాక్టర్‌ పతంజలిశాస్త్రి తదితరులు పాల్గొన్నారు.
More Articles
