ఆఫ్రికా దేశం దక్షిణాఫ్రికాలో కొత్తరకం కరోనా వైరస్‌ ‘నియోకోవ్‌’ను గుర్తించినట్టు చైనాలోని వుహాన్‌ యూనివర్సిటీ శాస్త్రవేత్తలు వెల్లడించారు. నియోకోవ్‌ వైరస్‌తో ప్రమాదం పొంచి ఉందని హెచ్చరించారు. అత్యంత వేగంగా వ్యాప్తి చెందే ఈ వైరస్‌తో మరణాల రేటు ఎక్కువగా ఉంటుందని, ఈ వైరస్‌ సోకిన ప్రతి ముగ్గురిలో ఒకరు చనిపోయే ముప్పు ఉందని అంచనా వేస్తున్నారు. ఈ కథనాన్ని రష్యా అధికారిక మీడియా సంస్థ స్పుత్నిక్‌ ప్రచురించింది.
మెర్స్‌ కోవ్‌తో సంబంధం.. పీడీఎఫ్‌2180సీఓవీ రకం..
అయితే నియోకోవ్‌ వైరస్‌ కొత్తదేమీ కాదని, 2012, 2015లో పశ్చిమాసియాలో వ్యాపించిన మెర్స్‌ కోవ్‌తో దీనికి సంబంధం ఉందని వుహాన్‌ శాస్త్రవేత్తల అధ్యయనం వెల్లడించింది. దక్షిణాఫ్రికాలోని గబ్బిలాల్లో నియోకోవ్‌ను గుర్తించినట్లు.. ఇప్పటివరకు ఇది మనుషులకు సోకలేదని వివరించింది. ప్రస్తుతం జంతువుల నుంచి జంతువులకు మాత్రమే వ్యాప్తిచెందే ఈ వైరస్‌లోని ఓ మ్యూటేషన్‌ కారణంగా జంతువుల నుంచి మనుషులకు సోకే ప్రమాదం ఉందని తెలిపింది. నియోకోవ్‌ వైరస్‌.. పీడీఎఫ్‌2180సీఓవీ రకానికి చెందినదని సైంటిస్టులు నిర్ధారించారు.
చ‌ద‌వండి: జేమ్స్‌ వెబ్‌ స్పేస్‌ టెలిస్కోప్‌ను నిర్మించిన సంస్థ?
క్విక్‌ రివ్యూ :
ఏమిటి : కొత్తరకం కరోనా వైరస్‌ ‘నియోకోవ్‌’ను చైనా వుహాన్‌ యూనివర్సిటీ శాస్త్రవేత్తలు గుర్తించారు
ఎప్పుడు : జనవరి 28
ఎవరు : రష్యా అధికారిక మీడియా సంస్థ స్పుత్నిక్‌
ఎక్కడ : దక్షిణాఫ్రికాలోని గబ్బిలాల్లో..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
