పోలార్‌ శాటిలైట్‌ లాంచ్‌ వెహికల్‌–52(పీఎస్ఎల్వీ–52) రాకెట్ ప్రయోగం విజయవంతమైందని భారత అంతరిక్ష పరిశోధనా సంస్థ(ఇస్రో) ప్రకటించింది. ఫిబ్రవరి 14న ఉదయం 5.59కి ఆంధ్రప్రదేశ్‌ రాష్ట్రం, శ్రీ పొట్టి శ్రీరాములు నెల్లూరు జిల్లాలో శ్రీహరికోటలోని సతీస్‌ ధవన్‌ స్పేస్‌ సెంటర్ లోని మొదటి ప్రయోగ వేదిక నుంచి ఈ ప్రయోగం జరిగింది. పీఎస్ఎల్వీ–52 ప్రయోగం ద్వారా ఆర్‌ఐశాట్‌–1, ఐఎన్‌ఎస్‌–2టీడీ, ఇన్‌స్పైర్‌ శాట్‌–1తో పాటు మరో రెండు చిన్న ఉపగ్రహాలను నింగిలోకి పంపారు. 2022 ఏడాదిలో ఇస్రో నిర్వహించిన తొలి ప్రయోగం ఇదే.
కక్ష్యలో ప్రవేశపెట్టిన ఉపగ్రహాలివే..
- వ్యవసాయం, అటవీ, నీటి వనరుల సమాచారం కోసం ఆర్‌ఐశాట్‌–1 ఉపగ్రహం
- భారత్, భూటాన్‌ సంయుక్తంగా రూపొందించిన ఉపగ్రహం ఐఎన్‌ఎస్‌–2టీడీ
- భూమి అయానోస్పియర్‌ అధ్యయనం కోసం ఇన్‌స్పైర్‌ శాట్‌–1 ఉపగ్రహం
కృషి ఫలించింది: ఇస్రో చైర్మన్‌
పీఎస్ఎల్వీ–52 రాకెట్ ప్రయోగం విజయవంతమైందని ఇస్రో చైర్మన్‌ డాక్టర్‌ సోమనాథ్‌ తెలిపారు. దీంతో శాస్త్రవేత్తల కృషి ఫలించిందన్నారు. ఈ సందర్భంగా ఇస్రో శాస్త్రవేత్తలను ఆయన అభినందించారు.
చ‌ద‌వండి: 2022లో 140 స్పేస్‌క్రాఫ్ట్‌లను అంతరిక్షంలోకి పంపనున్న దేశం?
క్విక్‌ రివ్యూ :
ఏమిటి : పోలార్‌ శాటిలైట్‌ లాంచ్‌ వెహికల్‌–52(పీఎస్ఎల్వీ–52) రాకెట్ ప్రయోగం విజయవంతం
ఎప్పుడు : ఫిబ్రవరి 14
ఎవరు : భారత అంతరిక్ష పరిశోధనా సంస్థ(ఇస్రో)
ఎక్కడ : సతీస్‌ ధవన్‌ స్పేస్‌ సెంటర్, శ్రీహరికోట, శ్రీ పొట్టి శ్రీరాములు నెల్లూరు జిల్లా, ఆంధ్రప్రదేశ్‌
ఎందుకు : ఈఓఎస్‌–04, ఐఎన్‌ఎస్‌–2టీడీ, ఇన్‌స్పైర్‌ శాట్‌–1తో పాటు మరో రెండు చిన్న ఉపగ్రహాలను నింగిలోకి పంపేందుకు..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
