పూర్తి స్థాయి స్వదేశీ పరిజ్ఞానంతో హై ఆల్టిట్యూడ్‌ సూడో శాటిలైట్‌ (హెచ్‌ఏపీఎస్‌)ను రూపొందించేందుకు హిందుస్థాన్‌ ఏరోనాటిక్‌ లిమిటెడ్‌(హెచ్‌ఏఎల్‌) సిద్ధమవుతోంది. కంబైండ్‌ ఎయిర్‌ టీమింగ్‌ సిస్టమ్‌ (సీఏటీఎస్‌) పేరిట అన్‌మ్యాన్డ్‌ డ్రోన్‌ వార్‌ఫేర్‌ కార్యక్రమంలో భాగంగా రూపొందించే ఈ ఉపగ్రహం కోసం రూ.700కోట్లు వ్యయం చేయనున్నారు. భారత ప్రభుత్వం ఈ నిధులు విడుదల చేయనున్నట్లు సెప్టెంబర్ 20న హెచ్‌ఏఎల్‌ ప్రకటించింది. పూర్తిస్థాయి హెచ్‌ఏపీఎస్‌ పూర్తయ్యేందుకు కనీసం నాలుగేళ్లు పట్టనుందని వెల్లడించింది.
హెచ్‌ఏపీఎస్‌ విశేషాలు...
- 500 కిలోల కంటే ఎక్కువ బరువుండే ఈ హెచ్‌ఏపీఎస్‌ సౌర విద్యుత్తుతో పని చేస్తుంది.
- దాదాపు 70వేల అడుగుల ఎత్తు ఎగరగలిగే ఈ ఉపగ్రహం నెలల తరబడి సేవలందిస్తుంది.
- టెలీకమ్యూనికేషన్, రిమోట్‌ సెన్సింగ్‌ అప్లికేషన్‌ ప్రత్యేకతలతో రూపొందనున్న ఈ ఉపగ్రహం రక్షణ, పౌర సేవలకు ఉపయోగపడనుంది.
- మానవ రహిత విమానాలు(యూఏవీ), సంప్రదాయ ఉపగ్రహాలకు ప్రత్యామ్నాయంగా తయారవుతున్న హెచ్‌ఏపీఎస్‌ కమ్యూనికేషన్, సర్వేలెన్స్, లైవ్‌ వీడియోలతో పాటు స్పష్టమైన చిత్రాలను తీయగలగుతుంది.
- ప్రకృతి వైపరీత్యాల సందర్భంగా సమర్థమైన రక్షణ కార్యక్రమాలను కూడా నిర్వహించనుంది.
చ‌ద‌వండి: ఏ పేరుతో స్పేస్‌ఎక్స్‌ సంస్థ మూడు రోజుల అంతరిక్ష యాత్రను చేపట్టింది?
క్విక్‌ రివ్యూ :
ఏమిటి : కంబైండ్‌ ఎయిర్‌ టీమింగ్‌ సిస్టమ్‌ (సీఏటీఎస్‌) పేరుతో హై ఆల్టిట్యూడ్‌ సూడో శాటిలైట్‌ (హెచ్‌ఏపీఎస్‌) రూపకల్పన
ఎప్పుడు : సెప్టెంబర్ 18
ఎవరు : హిందుస్థాన్‌ ఏరోనాటిక్‌ లిమిటెడ్‌(హెచ్‌ఏఎల్‌)
ఎందుకు : అన్‌మ్యాన్డ్‌ డ్రోన్‌ వార్‌ఫేర్‌ కార్యక్రమంలో భాగంగా...
More Articles
Most Read
