Star State: సుపరిపాలనలో అగ్రస్థానంలో నిలిచిన రాష్ట్రం?

సుపరిపాలనలో ఆంధ్రప్రదేశ్‌ రాష్ట్రం దేశంలోనే అగ్రగామిగా నిలిచింది. మార్చి 9న ‘స్కోచ్‌’ సంస్థ విడుదల చేసిన ‘‘స్కోచ్‌ స్టేట్‌ ఆఫ్‌ గవర్నెన్స్‌ రిపోర్ట్‌ కార్డ్‌ ఫర్‌ 2021’’ నివేదికలో ఈ విషయం వెల్లడైంది. దేశవ్యాప్తంగా వివిధ రాష్ట్రాలు అమలు చేస్తున్న పరిపాలన సంస్కరణలు, అన్ని వర్గాల సంక్షేమం కోసం చేపట్టిన పథకాలు, సమగ్రాభివృద్ధికి తీసుకున్న చర్యలపై అధ్యయనం చేసి ఈ నివేదికను రూపొందించారు. ‘స్కోచ్‌ స్టేట్‌ ఆఫ్‌ గవర్నెన్స్‌ రిపోర్ట్‌ కార్డ్‌ ఫర్‌ 2020’ నివేదికలోనూ ఆంధ్రప్రదేశ్‌ మొదటి స్థానంలో నిలిచిన విషయం విదితమే.

చ‌ద‌వండి: రాష్ట్రంలోని ఏ నగరంలో మెట్రో రైలు ప్రాజెక్టును ప్రారంభించారు?

తెలంగాణకు ఆరో స్థానం..
స్కోచ్‌ స్టేట్‌ ఆఫ్‌ గవర్నెన్స్‌ రిపోర్ట్‌ కార్డ్‌ ఫర్‌ 2021 నివేదికలో ఆంధ్రప్రదేశ్‌ తర్వాత.. రెండో స్థానంలో పశ్చిమ బెంగాల్, మూడో స్థానంలో ఒడిశా, 4వ స్థానంలో గుజరాత్, 5వ స్థానంలో మహారాష్ట్ర నిలవగా తెలంగాణ ఆరో స్థానాన్ని దక్కించుకుంది. ఆ  తర్వాత స్థానాల్లో ఉత్తరప్రదేశ్‌(7), మధ్యప్రదేశ్‌ (8), అస్సాం(9), హిమాచల్‌ప్రదేశ్‌ (10), బిహార్‌(11), హరియాణా (12) ఉన్నాయి.

స్టార్‌ రాష్ట్రాలు ఇవీ..
సర్వేలో తొలి ఐదు స్థానాల్లో నిలిచిన వాటిని స్టార్‌ రాష్ట్రాలుగా గుర్తించారు.

పర్‌ఫార్మర్‌ రాష్ట్రాలు ఇవే.. 
సర్వేలో 6 నుంచి 10 స్థానాల్లో నిలిచిన రాష్ట్రాలను సత్ఫలితాలు సాధిస్తున్న రాష్ట్రాలు(పర్‌ఫార్మర్స్‌)గా పేర్కొన్నారు. 

క్యాచింగ్‌ అప్‌ రాష్ట్రాలు ఇవే..
సర్వేలో 11 నుంచి 15 స్థానాల్లో నిలిచిన రాష్ట్రాలను అవకాశాలను అందిపుచ్చుకుంటూ అభివృద్ధి చెందుతున్న రాష్ట్రాలు(క్యాచింగ్‌ అప్‌)గా గుర్తించారు.

స్కోచ్‌ సర్వేల్లో ఏ రాష్ట్రం ఏ స్థానంలో ఉంది?
2021 సర్వేలో..

2020 సర్వేలో..

IT Minister KTR: ఉద్యమిక పేరుతో ప్రత్యేక విభాగం ఏర్పాటు ఉద్దేశం?
​​​​​​​క్విక్‌ రివ్యూ   :
ఏమిటి    : సుపరిపాలనలో ఆంధ్రప్రదేశ్‌ రాష్ట్రం దేశంలోనే అగ్రగామిగా నిలిచింది
ఎప్పుడు : మార్చి 9
ఎవరు    : స్కోచ్‌ స్టేట్‌ ఆఫ్‌ గవర్నెన్స్‌ రిపోర్ట్‌ కార్డ్‌ ఫర్‌ 2021
ఎక్కడ    : దేశంలో..
ఎందుకు : రాష్ట్ర ప్రభుత్వం అత్యంత పారదర్శకంగా పరిపాలన అందిస్తుండటం, సంక్షేమాభివృద్ధి పథకాలను సమర్థంగా అమలు చేస్తుండటంతో..

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌