చిన్నపిల్లల దుస్తుల తయారీ రంగంలో అమెరికాకు ప్రధాన ఎగుమతిదారుగా ఉన్న కైటెక్స్‌ సంస్థ సమీకృత దుస్తుల తయారీ క్లస్టర్ల ఏర్పాటు కోసం తెలంగాణ రాష్ట్ర ప్రభుత్వంతో పరస్పర అవగాహన ఒప్పందం (ఎంవోయూ) కుదుర్చుకుంది. సెప్టెంబర్ 18న హైదరాబాద్‌లో జరిగిన కార్యక్రమంలో కైటెక్స్‌ ఎండీ సాబు జాకబ్, తెలంగాణ ఐటీ పరిశ్రమల శాఖ ముఖ్య కార్యదర్శి జయేశ్‌ రంజన్‌ ఎంవోయూ పత్రాలపై సంతకాలు చేశారు. రూ. 2,400 కోట్లతో వరంగల్‌ కాకతీయ మెగా టెక్స్‌టైల్‌ పార్కుతోపాటు రంగారెడ్డి జిల్లా చందనవెల్లి ప్రాంతంలో రెండు దుస్తుల తయారీ క్లస్టర్లను కైటెక్స్‌ ఏర్పాటు చేయనుంది. ఈ క్లస్టర్ల ద్వారా 22 వేల మందికి ప్రత్యక్షంగా ఉపాధి లభిస్తుందని అంచనా. ఎంవోయూ కార్యక్రమంలో మంత్రులు ఎర్రబెల్లి దయాకర్‌రావు, సబితా ఇంద్రారెడ్డితో కలసి కేటీఆర్‌ పాల్గొన్నారు.
చ‌ద‌వండి: సైబర్‌ కవచ్‌ పేరుతో సైబర్‌ కియోస్క్‌లను ఏర్పాటు చేయనున్న రాష్ట్రం?
క్విక్‌ రివ్యూ :
ఏమిటి : తెలంగాణలో ప్రభుత్వంతో అవగాహన ఒప్పందం
ఎప్పుడు : సెప్టెంబర్ 18
ఎవరు : కైటెక్స్‌ సంస్థ
ఎక్కడ : కాకతీయ మెగా టెక్స్‌టైల్‌ పార్కు(వరంగల్‌), చందనవెల్లి(రంగారెడ్డి జిల్లా)
ఎందుకు : రెండు దుస్తుల తయారీ క్లస్టర్లను ఏర్పాటు కోసం...
More Articles
Most Read
