Capt Amarinder Singh: పంజాబ్‌ సీఎం పదవికి రాజీనామా చేసిన మాజీ సైన్యాధికారి?

పంజాబ్‌ రాష్ట్ర ముఖ్యమంత్రి పదవికి కెప్టెన్‌ అమరీందర్‌ సింగ్‌(79) రాజీనామా చేశారు. సెప్టెంబర్‌ 18న తన రాజీనామా లేఖను పంజాబ్‌ గవర్నర్‌ బన్వరీలాల్‌ పురోహిత్‌కు అందజేశారు. 50కిపైగా కాంగ్రెస్‌ ఎంఎల్‌ఏలు సీఎంగా అమరీందర్‌ను మార్చాలంటూ పార్టీ అధ్యక్షురాలు సోనియా గాంధీకి లేఖ రాసిన నేపథ్యంలో... ఆయన తన పదవికి రాజీనామా చేశారు. పాటియాలా రాజవంశానికి చెందిన అమరీందర్‌... 1942, మార్చి 11న జన్మించారు. వారిది సైనిక కుటుంబం. తొలుత సైన్యంలో అమరీందర్‌... 1965, 1971 యుద్ధాల్లో ఆయన పాల్గొన్నారు.

1980లో కాంగ్రెస్‌ పార్టీ తరపున లోక్‌సభ ఎంపీగా గెలిచిన అమరీందర్‌...  1985లో అకాళీదళ్‌లో చేరి ఎంఎల్‌ఏగా ఎన్నికయ్యారు. 1998లో తిరిగి కాంగ్రెస్‌ గూటికి చేరారు. 2002, ఫిబ్రవరి 26న తొలిసారిగా పంజాబ్‌ ముఖ్యమంత్రిగా ప్రమాణం చేశారు. 2017, మార్చి 16న రెండోసారి సీఎంగా బాధ్యతలు చేపట్టారు.

చ‌ద‌వండి: రాజ్యసభ కొత్త సెక్రటరీ జనరల్‌గా నియమితులైన వ్యక్తి?

క్విక్‌ రివ్యూ   :
ఏమిటి    : పంజాబ్‌ రాష్ట్ర ముఖ్యమంత్రి పదవికి రాజీనామా
ఎప్పుడు : సెప్టెంబర్‌ 18
ఎవరు    : కెప్టెన్‌ అమరీందర్‌ సింగ్‌(79) 
ఎందుకు : అసమ్మతి కారణంగా...