చండీగఢ్‌ను తక్షణమే తమ రాష్ట్రానికి బదలాయించాలని కేంద్ర ప్రభుత్వాన్ని కోరుతూ పంజాబ్ అసెంబ్లీ ఏప్రిల్‌ 1న ఒక తీర్మానాన్ని ఆమోదించింది. పంజాబ్, హరియాణా రాష్ట్రాలకు ఉమ్మడి రాజధాని, కేంద్రపాలిత ప్రాంతంగా ఉన్న చండీగఢ్‌లో ఉమ్మడి ఆస్తులు, పరిపాలనాపరమైన విషయాల్లో సమతుల్యత పాటించకుండా కేంద్రం అడ్డుపడుతోందని సభలో తీర్మానాన్ని ప్రవేశపెడుతూ ముఖ్యమంత్రి భగవంత్‌ మాన్‌ ఆరోపించారు. కేంద్ర సర్వీసుల నిబంధనలన్నీ చండీగఢ్‌ ఉద్యోగులకు వర్తిస్తాయంటూ హోం మంత్రి అమిత్‌ షా చేసిన ప్రకటనతో రాజకీయ దుమారం రేగింది.
AFSPA: సైనిక దళాల ప్రత్యేక అధికారాల చట్టం అమల్లోకి వచ్చిన తేదీ?
చండీగఢ్‌ ఉమ్మడి రాజధానే: ఖట్టర్‌
పంజాబ్ అసెంబ్లీ చేసిన తీర్మానంపై హరియాణా ముఖ్యమంత్రి మనోహర్‌లాల్‌ ఖట్టర్‌ తీవ్రంగా స్పందించారు. చండీగఢ్‌ ఉమ్మడి రాజధానిగానే కొనసాగుతుందని స్పష్టం చేశారు. చండీగఢ్‌కు సంబంధించి కేంద్రం తాజాగా తీసుకున్న నిర్ణయాలను ఆయన సమర్థించారు.
కేంద్రం తీసుకువచ్చిన తాజా నిబంధనల ప్రకారం..
- చండీగఢ్‌ పరిపాలనా విభాగంతోపాటు భాక్రా బియాస్‌ మేనేజ్‌మెంట్‌ బోర్డ్‌(బీబీఎంబీ)లో పోస్టులను పంజాబ్, హరియాణాలకు చెందిన వారికి బదులుగా ఇతర రాష్ట్రాలకు చెందిన, కేంద్రప్రభుత్వ ఉద్యోగులతో నింపవచ్చు.
- చండీగఢ్‌ పరిపాలనావిభాగంలోని ఉద్యోగులకు కేంద్ర సివిల్‌ సర్వీసుల నిబంధనలు వర్తిస్తాయి.
- చండీగఢ్‌ ప్రభుత్వ ఉద్యోగుల రిటైర్మెంట్‌ వయస్సు 58 నుంచి 60 ఏళ్లకు పెంపు.
- మహిళా ఉద్యోగులు తమ చిన్నారులను చూసుకునేందుకు ఇచ్చే లీవ్‌ ప్రస్తుతం ఉన్న ఏడాది నుంచి రెండేళ్లకు మార్పు.
PM Narendra Modi: పరీక్షా పే చర్చా కార్యక్రమాన్ని ఎక్కడ నిర్వహించారు?
క్విక్‌ రివ్యూ :
ఏమిటి : చండీగఢ్‌ను తక్షణమే తమ రాష్ట్రానికి బదలాయించాలని కేంద్ర ప్రభుత్వాన్ని కోరుతూ తీర్మానం చేసిన రాష్ట్ర అసెంబ్లీ?
ఎప్పుడు : ఏప్రిల్‌ 01
ఎవరు : పంజాబ్ అసెంబ్లీ
ఎందుకు : చండీగఢ్‌లో ఉమ్మడి ఆస్తులు, పరిపాలనాపరమైన విషయాల్లో సమతుల్యత పాటించకుండా కేంద్రం అడ్డుపడుతోందని..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
