GFS Index 2021: ప్రపంచ ఆహార భద్రతా సూచీలో భారత్‌ స్థానం?

లండన్‌కు చెందిన ఎకనమిస్ట్‌ ఇంపాక్ట్‌ సంస్థ కోర్టెవా అగ్రిసైన్స్‌ సాయంతో రూపొందించిన ప్రపంచ ఆహార భద్రతా సూచీ(గ్లోబల్‌ ఫుడ్‌ సెక్యూరిటీ ఇండెక్స్‌–జీఎఫ్‌ఎస్‌ ఇండెక్స్‌)–2021 విడుదలైంది. 113 దేశాలతో కూడిన ఈ వార్షిక నివేదికలో భారత్‌ 71వ స్థానంలో నిలిచింది. ఆహార లభ్యత, నాణ్యత, భద్రత, సహజవనరులు వంటి అంశాల ఆధారంగా 113  దేశాల్లో ఆహార భద్రతను ఈ నివేదిక అంచనా వేసింది. అంతేకాకుండా ఆహార భద్రతకు సంబంధించి ఆర్థిక అసమానతల వంటి 58 అంశాలను సైతం పరిగణనలోకి తీసుకుంది. అక్టోబర్‌ 19న విడుదలైన ఈ ఇండెక్స్‌లో 71వ స్థానంలో ఉన్న భారత్‌కు మొత్తమ్మీద 57.2 పాయింట్లు దక్కాయి.

జీఎఫ్‌ఎస్‌ ఇండెక్స్‌–ముఖ్యాంశాలు...

• భారత పొరుగుదేశాలైన పాకిస్తాన్‌ 52.6 పాయింట్లతో 75వ స్థానంలో, శ్రీలంక 62.9 పాయింట్లతో 77వ స్థానంలో, నేపాల్‌ 79, బంగ్లాదేశ్‌ 84వ స్థానంలో ఉన్నాయి. చైనా 34వ స్థానాన్ని కైవసం చేసుకుంది. 
• ఈ సూచీలో ఐర్లాండ్, ఆస్ట్రేలియా, యూకే, ఫిన్లాండ్, స్విట్జర్లాండ్, నెదర్లాండ్స్, కెనడా, జపాన్, ఫ్రాన్స్, అమెరికా మొత్తమ్మీద 77.8–80 మధ్య మార్కులతో టాప్‌ ర్యాంకులను దక్కించుకున్నాయి.
• ఆహార లభ్యత, నాణ్యత, భద్రత, ఆహారోత్పత్తిలో సహజ వనరుల పరిరక్షణ వంటి అంశాల్లో పాకిస్తాన్, నేపాల్, బంగ్లాదేశ్, శ్రీలంక కంటే భారత్‌ మెరుగైన స్థానంలో ఉంది.
• ఆహార భద్రత విషయంలో గత పదేళ్లుగా భారత్‌ సాధించిన అభివృద్ధి పొరుగుదేశాలైన పాకిస్తాన్, బంగ్లాదేశ్, నేపాల్‌ల కంటే వెనుకంజలోనే ఉంది.
• 2012లో భారత స్కోర్‌ 54.5 కాగా కేవలం 2.7 పాయింట్లు పెరిగి 2021కి 57.2 పాయింట్లకు చేరుకుంది.
• సరసమైన ధరలకు ఆహారం లభించే దేశాల్లో భారత్‌ కంటే పాకిస్తాన్, శ్రీలంక మెరుగైన స్థానాల్లో ఉన్నాయి.

చ‌ద‌వండి: ఎక్కువమందికి టీకా వేసిన రాష్ట్రాల్లో తొలి స్థానంలో నిలిచిన రాష్ట్రం?

క్విక్‌ రివ్యూ   :
ఏమిటి    : ప్రపంచ ఆహార భద్రతా సూచీ( గ్లోబల్‌ ఫుడ్‌ సెక్యూరిటీ ఇండెక్స్‌–జీఎఫ్‌ఎస్‌ ఇండెక్స్‌)–2021లో 71వ స్థానంలో ఉన్న దేశం?
ఎప్పుడు : అక్టోబర్‌ 19
ఎవరు    : భారత్‌
ఎక్కడ    : ప్రపంచ వ్యాప్తంగా 113  దేశాల్లో...
ఎందుకు  : ఆహార లభ్యత, నాణ్యత, భద్రత, సహజవనరులు వంటి అంశాల ఆధారంగా...

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌