తొమ్మిదో సిక్కు గురువు తేగ్‌ బహదూర్‌ 400వ జయంతి సందర్భంగా ఏప్రిల్‌ 21న ఢిల్లీలోని ఎర్రకోటలో నిర్వహించిన ప్రత్యేక కార్యక్రమంలో ప్రధాని నరేంద్ర మోదీ ప్రసంగించారు. తేగ్‌ బహదూర్‌ స్మృత్యర్థం పోస్టుల్‌ స్టాంపు, నాణెం విడుదల చేశారు. ఢిల్లీ సిక్కు గురుద్వారా మేనేజ్‌మెంట్‌ కమిటీ సహకారంతో కేంద్ర సాంస్కృతిక శాఖ ఈ కార్యక్రమాన్ని నిర్వహించింది. తేగ్‌ బహదూర్‌ సిక్కుల తొమ్మిదో గురువు. మత పరిరక్షణకు జీవితాన్నే త్యాగం చేశారు. తేగ్‌ బహదూర్‌కు మరణ శిక్ష విధించాలని మొగల్‌ పాదుషా ఔరంగజేబు 1675లో ఎర్రకోట నుంచే ఆదేశాలిచ్చేశారు. దానికి గుర్తుగా ఆయన సంస్మరణ సభకు మోదీ ఎర్రకోటను ఎంచుకున్నారు.
Noise Pollution: నివాస ప్రాంతాల్లో సీపీసీబీ అనుమతించిన శబ్ద కాలుష్య పరిమితి?
ప్రధాని ప్రసంగం–ముఖ్యాంశాలు..
- భారత్‌ ఏ ఇతర దేశానికి, సమాజానికీ ఏనాడూ ముప్పుగా పరిణమించలేదు. మొత్తం ప్రపంచ సంక్షేమాన్ని కాంక్షించే దేశం భారత్‌.
- సిక్కు గురువుల ఆలోచనలను మన దేశం అనుసరిస్తోంది.
- ఎర్రకోట సమీపంలోని గురుద్వారా సిస్‌గంజ్‌ సాహిబ్‌ గురు తేగ్‌ బహదూర్‌ చిరస్మరణీయ త్యాగానికి ప్రతీకగా నిలుస్తోంది.
- మనదేశ గొప్ప సంస్కృతిని రక్షించేందుకు తేగ్‌ బహదూర్‌ చేసిన మహోన్నత త్యాగాన్ని ఈ పవిత్ర గురుద్వారా తెలియజేస్తోంది.
- అప్పట్లో దేశంలో మతోన్మాదం పెచ్చరిల్లింది, మతం పేరిట సామాన్య ప్రజలపై హింసాకాండ సాగించారు. అలాంటి సమయంలో గురు తేగ్‌ బహదూర్‌ రూపంలో దేశానికి ఒక ఆలంబన దొరికింది.
15వ సివిల్‌ సర్వీసెస్‌ డే..
విధుల్లో భాగంగా తీసుకునే ప్రతి ఒక్క నిర్ణయానికీ ‘నేషన్‌ ఫస్ట్‌–ఇండియా ఫస్ట్‌’ అనే వైఖరినే అనుసరించాలని సివిల్‌ సర్వీసెస్‌ ఉద్యోగులకు ప్రధాని మోదీ పిలుపునిచ్చారు. ఏప్రిల్‌ 21న 15వ సివిల్‌ సర్వీసెస్‌ డే సందర్భంగా నిర్వహించిన కార్యక్రమంలో ప్రధాని ఈ మేరకు ప్రసంగించారు.
Ayush: ఆయుష్‌ పెట్టుబడుల సదస్సును ఎక్కడ ప్రారంభించారు?
క్విక్‌ రివ్యూ :
ఏమిటి : ఢిల్లీలోని ఎర్రకోటలో నిర్వహించిన ప్రత్యేక కార్యక్రమంలో ప్రసంగం
ఎప్పుడు: ఏప్రిల్‌ 21
ఎవరు : ప్రధాని నరేంద్ర మోదీ
ఎందుకు : తొమ్మిదో సిక్కు గురువు తేగ్‌ బహదూర్‌ 400వ జయంతి సందర్భంగా..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
