Skip to main content

Non-Lethal Weapons: త్రిశూల్, వజ్ర పేర్లతో ఆయుధాలకు రూపకల్పన చేసిన సంస్థ?

Non-Lethal Weapons

భారత్, చైనా మధ్య గతంలో జరిగిన గల్వాన్‌ లోయ ఘర్షణల్లో... చైనా బలగాలు ఇనుపరాడ్లు, ఇనుప ముళ్లు లాంటి సంప్రదాయ ఆయుధాలతో భారత సైనికులపైకి దాడికి వచ్చిన విషయం తెలిసిందే. సరిహద్దుల్లో ఘర్షణల సమయంలో ప్రాణహాని కలిగించని ఆయుధాలనే వాడాలంటూ రెండు దేశాల మధ్య కుదిరిన ఒప్పందాల మేరకు చైనా ఆర్మీ అప్పట్లో వీటిని ఉపయోగించింది. ఈ సందర్భాన్ని దృష్టిలో ఉంచుకుని భారత బలగాలు దీటైన వ్యూహాలను సిద్ధం చేసుకున్నాయి.

సంప్రదాయ ఆయుధాలే...

చైనా సైన్యం(పీఎల్‌ఏ) వాడిన మాదిరిగా సంప్రదాయ ఆయుధాలనే భారత సైన్యం కూడా సమకూర్చుకుంటోంది. ఈ మేరకు బాధ్యతలను నోయిడాకు చెందిన అపాస్టెరాన్‌ ప్రైవేట్‌ లిమిటెడ్‌ అనే సంస్థకు అప్పగించింది. ఈ సంస్థ త్రిశూల్, వజ్ర, సప్పర్‌ పంచ్‌(చేతికి వేసుకునే గ్లవ్స్‌ మాదిరిగా ఉండే ఆయుధం) వంటి పేర్లతో ప్రాణహాని కలిగించని సంప్రదాయ ఆయుధాలకు రూపకల్పన చేసింది. ఈ ఆయుధాల ద్వారా శత్రువుకు విద్యుత్‌ షాక్‌ తగిలేలా చేయవచ్చని అపాస్టెరాన్‌ సంస్థ చీఫ్‌ టెక్నాలజీ ఆఫీసర్‌ మోహిత్‌ కుమార్‌ అక్టోబర్‌ 18న తెలిపారు. శివుని చేతిలో త్రిశూలం స్ఫూర్తిగా తీసుకుని ‘త్రిశూల్‌’ను తయారు చేశామన్నారు.
 

చ‌ద‌వండి: రాష్ట్రీయ ఏక్తా దివస్‌ను ఎప్పుడు నిర్వహించనున్నారు?

క్విక్‌ రివ్యూ   :
ఏమిటి    : త్రిశూల్, వజ్ర, సప్పర్‌ పంచ్‌(చేతికి వేసుకునే గ్లవ్స్‌ మాదిరిగా ఉండే ఆయుధం) వంటి పేర్లతో సంప్రదాయ ఆయుధాల తయారీ
ఎప్పుడు : అక్టోబర్‌ 18
ఎవరు : అపాస్టెరాన్‌ ప్రైవేట్‌ లిమిటెడ్‌  
ఎందుకు : భారత సైన్యం కోసం...

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌

Published date : 19 Oct 2021 06:10PM

Photo Stories