చీఫ్‌ ఆఫ్‌ డిఫెన్స్‌ స్టాఫ్‌ (సీడీసీ) జనరల్‌ బిపిన్‌ రావత్‌తో పాటు మరో 13 మంది ప్రాణాలను బలిగొన్న ఎంఐ–17వీ5 హెలికాప్టర్‌ ప్రమాదంపై ఎయిర్‌ మార్షల్‌ మానవేంద్ర సింగ్‌ నేతృత్వంలో త్రివిధ దళాలు చేసిన దర్యాప్తు నివేదికను జనవరి 5న న్యూఢిల్లీలో రక్షణ శాఖ మంత్రి రాజ్‌నాథ్‌ సింగ్‌కు సమర్పించారు. దర్యాప్తు వివరాలను, ప్రమాదానికి గల కారణాలను రాజ్‌నాథ్‌కు వివరించారు.
నివేదికలోని ముఖ్యాంశాలు..
- ఎంఐ–17వీ5 హెలికాప్టర్‌ ప్రమాదానికి సాంకేతిక లోపాలు, విద్రోహ చర్యలు కారణం కాదు.
- ప్రతికూల వాతావరణ పరిస్థితుల్లో పైలట్ చేసిన తప్పిదం వల్ల ప్రమాదం జరిగి ఉండవచ్చు.
- ఆకాశం మేఘావృతమై కారుచీకట్లు కమ్ముకోవడంతో ముందున్నది కనిపించక పైలట్, ఇతర సిబ్బందిపై ఒత్తిడి పెరిగి ప్రమాదం జరిగినట్టుగా దర్యాప్తు బృందం భావిస్తోంది.
సీఎప్‌ఐటీగా..
2021, డిసెంబర్‌ 8న తమిళనాడు రాష్ట్రం, నీలగిరి జిల్లా, కూనూరు సమీపంలోని నీలగిరి కొండల్లో ఎంఐ–17వీ5 హెలికాప్టర్‌ కుప్పకూలడానికి ముందు ఏదైనా భూభాగం లేదంటే కొండలు, నీళ్లు, అడ్డుగా వచ్చిన మరొక దానిని ఢీకొని ఉంటుందని.. దీనినే కంట్రోల్డ్‌ ఫ్లైట్‌ ఇన్‌టూ టెరియన్‌ (సీఎఫ్‌ఐటీ) అని పిలుస్తారని నిపుణులు చెబుతున్నారు. ఇంటర్నేషనల్‌ ఎయిర్‌ ట్రాన్స్‌పోర్ట్‌ అసోసియేషన్‌ (ఐఏటీఏ) ప్రకారం... ప్రతికూల వాతావరణం లేదంటే పైలట్ తప్పిదం కారణంగా విమానం, లేదంటే హెలికాప్టర్‌కి అడ్డంగా వచ్చిన దేనినైనా ఢీకొనడం వల్ల ప్రమాదం జరిగితే సీఎప్‌ఐటీగా అభివర్ణిస్తారు. అయితే దీనిపై భారత ప్రభుత్వం ఎలాంటి ప్రకటన చేయలేదు.
చ‌ద‌వండి: మహారాజా బీర్‌ బిక్రమ్‌ విమానాశ్రయం ఏ రాష్ట్రంలో ఉంది?
క్విక్‌ రివ్యూ :
ఏమిటి : రక్షణ శాఖ మంత్రి రాజ్‌నాథ్‌ సింగ్‌కు నివేదిక అందజేత
ఎప్పుడు : జనవరి 5
ఎవరు : ఎయిర్‌ మార్షల్‌ మానవేంద్ర సింగ్‌ నేతృత్వంలోని బృందం
ఎక్కడ : న్యూఢిల్లీ
ఎందుకు : ఎంఐ–17వీ5 హెలికాప్టర్‌ ప్రమాదంపై త్రివిధ దళాలు చేసిన దర్యాప్తు వివరాలు అందించేందుకు..
డౌన్‌లోడ్‌ చేసుకోండి:
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.
యాప్‌ డౌన్‌లోడ్‌ ఇలా...
డౌన్‌లోడ్‌ వయా గూగుల్‌ ప్లేస్టోర్‌
More Articles
Most Read
