Sakshi Education

ఎయిరిండియా సంస్థ మరోసారి తమ నాన్‌–ఫ్లయింగ్‌ సిబ్బంది కోసం స్వచ్ఛంద విరమణ పథకం(వీఆర్‌ఎస్‌)ను ప్రకటించింది.

కేంద్ర ప్రభుత్వం అధీనంలోని నష్టాల్లో ఉన్న ఎయిరిండియాను గత ఏడాది జనవరిలో టాటా గ్రూప్‌ కొనుగోలు చేసింది. టాటాల ఆధీనంలోకి వచ్చాక ఉద్యోగులకు వీఆర్‌ఎస్‌ అవకాశం ఇవ్వడం ఇది రెండోసారి. 40 ఏళ్లు, ఆపై వయస్సు వారు, సంస్థలో కనీసం ఐదేళ్ల సర్వీసు పూర్తి చేసుకున్న పర్మినెంట్‌ జనరల్‌ కేడర్‌ అధికారులకు ఇది వర్తిస్తుందని ఎయిరిండియా తెలిపింది. కనీసం ఐదేళ్ల సర్వీసు పూర్తి చేసుకున్న క్లరికల్, నిపుణులు కాని కేటగిరీల ఉద్యోగులూ వీఆర్‌ఎస్‌కు అర్హులే. మొత్తం 11 వేల మంది ఉద్యోగుల్లో అర్హులైన 2,100 మంది ఏప్రిల్‌ 30వ తేదీలోగా వీఆర్‌ఎస్‌కు దరఖాస్తు చేసుకోవచ్చునని వివరించింది.