Sakshi Education

అమెరికాలోని 32 తీర నగరాలకు ముంపు ముప్పు పెరిగిందని తాజా అధ్యయనం హెచ్చరించింది.

Coastal US Cities are Sinking as Sea Levels Continue to Rise

వాతావరణ మార్పుల కారణంగా సముద్రమట్టాలు పెరుగుతున్నాయి, ఈ పరిస్థితిని అదుపులోకి తీసుకోకపోతే తీవ్ర పరిణామాలు తప్పవని శాస్త్రవేత్తలు ఆందోళన వ్యక్తం చేస్తున్నారు. వాతావరణ మార్పులను అదుపులోకి తీసుకోకపోతే, అమెరికా తీరప్రాంతాలకు ముంపు ముప్పు పెరిగిపోతుంది.

ప్రధాన అంశాలు..

అమెరికాలోని 24 నగరాల్లో సముద్రమట్టం ప్రతి సంవత్సరం 2 మిల్లీమీటర్ల మేర పెరుగుతోంది.
12 నగరాల్లో అంతర్జాతీయ సముద్రమట్టాల సగటు పెరుగుదల రేటును దాటి మరీ జలాలు పైపైకి వస్తున్నాయి.
50 మందిలో ఒకరు దారుణమైన వరదలను చవిచూడక తప్పదని అధ్యయనం హెచ్చరిస్తుంది.
2050 సంవత్సరంకల్లా అమెరికా తీరప్రాంతాల వెంట సముద్రం దాదాపు 0.30 మీటర్లమేర పైకి ఎగిసే ప్రమాదముంది.
లక్షలాది మంది తీరప్రాంత ప్రజల జీవనం ప్రశ్నార్ధకంగా మారనుంది.
అమెరికాలో 109 బిలియన్‌ డాలర్లమేర ఆస్తినష్టం సంభవించవచ్చని అంచనా.