Skip to main content

ISRO: న్యూ స్పేస్‌ ఇండియా లిమిటెడ్‌తో ఒప్పందం చేసుకున్న సంస్థ?

OneWeb

భారతీ గ్రూపు ప్రధాన వాటాదారుగా ఉన్న ‘వన్‌ వెబ్‌’ ఇస్రో వాణిజ్య కంపెనీ అయిన ‘న్యూ స్పేస్‌ ఇండియా లిమిటెడ్‌’తో ఒప్పందం చేసుకుంది. దీంతో వన్‌వెబ్‌ తన శాటిలైట్ల విడుదల కార్యక్రమాన్ని మరింత ముందుకు తీసుకెళ్లనుంది. శాటిలైట్‌ నెట్‌వర్క్‌ అభివృద్ధికి, సురక్షితమైన అనుసంధానాన్ని కల్పన కోసం పనిచేస్తున్నట్టు ఏప్రిల్‌ 21న వన్‌వెబ్‌ ప్రకటించింది. తక్కువ కక్ష్యలో పరిభ్రమించే శాటిలైట్ల సాయంతో బ్రాడ్‌బ్యాండ్‌ సేవలను అందించే సంస్థే వన్‌వెబ్‌. ఈ కంపెనీలో భారతీ గ్రూపు పెద్ద వాటాదారుగా ఉండగా, బ్రిటన్‌ ప్రభుత్వానికి సైతం వాటాలున్నాయి.

2021–22 Financial Year: భారత్‌ నెలకు ఎన్ని బిలియన్‌ డాలర్ల ఎగుమతులు చేసింది?

కజకిస్థాన్‌లో రష్యా నిర్వహించే బైకోనర్‌ కాస్మోడ్రోన్‌ నుంచి శాటిలైట్ల ఆవిష్కరణను నిలిపివేస్తున్నట్టు వన్‌వెబ్‌ 2022, మార్చిలో ప్రకటించిన నేపథ్యంలో తాజా ఒప్పందం కుదరడం గమనార్హం. శాటిలైట్లు, టెక్నాలజీని సైనిక అవసరాలకు వినియోగించబోమంటూ హామీ ఇవ్వాలని రష్యా స్పేస్‌ ఏజెన్సీ రాస్‌కాస్మోస్‌ కోరడమే ఈ నిర్ణయం వెనుక కారణం. న్యూ స్పేస్‌ ఇండియాతో కలసి వన్‌వెబ్‌ మొదటి శాటిలైట్‌ లాంచ్‌ కార్యక్రమం 2022లోనే శ్రీహరికోటలోని షార్‌ నుంచి ఉంటుందని అంచనా వేస్తున్నారు.

భారత్‌లో వన్‌వెబ్‌కు లైసెన్స్‌
భారత్‌ మార్కెట్లో శాటిలైట్‌ సేవలు అందించేందుకు వన్‌వెబ్‌ కేంద్ర ప్రభుత్వం నుంచి లైసెన్స్‌ సంపాదించింది. గ్లోబల్‌ మొబైల్‌ పర్సనల్‌ కమ్యూనికేషన్‌ బై శాటిలైట్‌ (జీఎంపీసీఎస్‌) లైసెన్స్‌ను వన్‌వెబ్‌కు టెలికం శాఖ మంజూరు చేసింది. 2022 మధ్య నుంచి భారత్‌ మా ర్కెట్లో సేవలు అందించాలన్న వన్‌వెబ్‌ లక్ష్యం తాజా లైసెన్స్‌ రాకతో సాకారం కానుంది.

Ministry of Finance: ఏ కంపెనీలను పీఎస్‌ఈలు కొనుగోలు నిషిద్ధం?

క్విక్‌ రివ్యూ   :
ఏమిటి    :
ఇస్రో వాణిజ్య కంపెనీ అయిన ‘న్యూ స్పేస్‌ ఇండియా లిమిటెడ్‌’తో ఒప్పందం చేసుకున్న సంస్థ?
ఎప్పుడు : ఏప్రిల్‌ 21 
ఎవరు    : బ్రాడ్‌బ్యాండ్‌ సేవలను అందించే సంస్థ ‘వన్‌వెబ్‌’ 
ఎందుకు : శాటిలైట్ల ఆవిష్కరణ విషయంలో తాజా ఒప్పందం, వన్‌వెబ్‌ నెట్‌ అభివృద్ధిని వేగవంతం చేస్తుందని..

డౌన్‌లోడ్‌ చేసుకోండి: 
తాజా విద్యా సమాచారం, అన్ని రకాల పోటీ పరీక్షలకు సంబంధించిన కరెంట్‌ అఫైర్స్, స్టడీ మెటీరియల్‌తో పాటు తరగతులకు(అకాడెమిక్స్‌) సంబంధించిన స్టడీ మెటీరియల్‌ను పొందడానికి, కెరీర్‌ అవకాశాలను తెలుసుకోవడానికి సాక్షి ఎడ్యుకేషన్‌ యాప్‌ను ఇప్పుడే డౌన్‌లోడ్‌ చేసుకోండి.

యాప్‌ డౌన్‌లోడ్‌ ఇలా..
డౌన్‌లోడ్‌ వయా గూగుల్‌ ప్లేస్టోర్‌

Published date : 22 Apr 2022 05:29PM

Photo Stories