Daily Current Affairs in Telugu: 28 జూన్ 2023 కరెంట్ అఫైర్స్
Sakshi Education
వివిధ పోటీ ప‌రీక్ష‌ల‌కు ప్రిపేర‌య్యే విద్యార్ధుల‌కు సాక్షి ఎడ్యుకేషన్ అందించే డైలీ కరెంట్ అఫైర్స్
Daily Current Affairs in Telugu
కేంద్ర ప్రభుత్వ ఆరోగ్య పథకం (సీజీహెచ్‌ఎస్‌) లబ్ధిదారులకు దేశంలోని మూడు ప్రధాన వైద్యసంస్థల్లో సర్వీసులో ఉన్నవారికి, పెన్షనర్లకు సిఫార్సులతో పనిలేకుండా దిల్లీలోని ఆలిండియా ఇన్‌స్టిట్యూట్‌ ఆఫ్‌ మెడికల్‌ సైన్సెస్‌ (ఎయిమ్స్‌), చండీగఢ్‌లోని పోస్ట్‌-గ్రాడ్యుయేట్‌ ఇన్‌స్టిట్యూట్‌ ఆఫ్‌ మెడికల్‌ ఎడ్యుకేషన్ అండ్‌ రీసెర్చ్‌ (పీజీఐఎంఈఆర్‌), పుదుచ్చేరిలోని జవహర్‌లాల్‌ ఇన్‌స్టిట్యూట్‌ ఆఫ్‌ పోస్ట్‌గ్రాడ్యుయేట్‌ మెడికల్‌ ఎడ్యుకేషన్ అండ్‌ రీసెర్చ్‌ (జిప్‌మర్‌)లలో నగదు రహిత చికిత్స అందించేలా కేంద్రం నిర్ణయం తీసుకొంది.
ఐక్యరాజ్యసమితి అంతరిక్ష వ్యవహారాల కార్యాలయం (యూఎన్‌ఓఓఎస్‌ఏ) డైరెక్టర్‌గా భారత సంతతికి చెందిన బ్రిటన్‌ మహిళ ఆర్తీ హొల్లా మైనీ నియమితులయ్యారు.
ఆర్థిక సంవత్సరం (2022-23) జనవరి- మార్చి త్రైమాసికంలో భారత కరెంటు ఖాతా లోటు 1.3 బిలియన్‌ డాలర్లు లేదా జీడీపీలో 0.2 శాతానికి తగ్గిందని ఆర్‌బీఐ తెలిపింది.
అంతర్జాతీయ MSME దినోత్సవం సందర్భంగా సూక్ష్మ, చిన్న, మ‌ధ్య త‌ర‌హా ప‌రిశ్ర‌మ‌ల మంత్రి నారాయణ్ రాణే ‘ఛాంపియన్స్ 2.0 పోర్టల్‌ను,మహిళా పారిశ్రామికవేత్తల కోసం 'MSME ఐడియా హ్యాకథాన్ 3.0ను ప్రారంభించారు.
ఆర్టికల్ 44 ప్ర‌కారం భారతదేశ పౌరులందరికీ ఒకే చట్టం వర్తించాలని భారత రాజ్యాంగంలో పొందుప‌రిచారు.
భారత రాష్ట్రపతి శ్రీమతి ద్రౌపది ముర్ము రాష్ట్రపతి భవన్‌లో జరిగిన డిఫెన్స్ ఇన్వెస్టిచర్ కార్య‌క్ర‌మం-IIలో విశిష్ట సేవలందిస్తున్న, పదవీ విరమణ పొందిన భారతీయ సాయుధ దళాలు, కోస్ట్ గార్డ్ సిబ్బందికి 84 విశిష్ట సేవా అవార్డులను ప్రదానం చేశారు.
మధ్యప్రదేశ్‌లోని భోపాల్‌లో రాణి కమలాపతి రైల్వే స్టేషన్‌లో ఐదు వందే భారత్ ఎక్స్‌ప్రెస్ రైళ్లను ప్రధాన మంత్రి శ్రీ నరేంద్ర మోదీ ప్రారంభించారు.
2013-14లో జాతీయ రహదారుల మొత్తం పొడవు 91,287 కి.మీలు కాగా, 2022-23 నాటికి ఇది 1,45,240 కి.మీలకు చేరిందని కేంద్ర రోడ్డు రవాణా, రహదారుల శాఖ మంత్రి శ్రీ నితిన్ గడ్కరీ తెలిపారు.
