టీఎస్‌ పీజీఈసెట్‌–2021 షెడ్యూల్‌ విడుదల: మార్చి 12 నుంచి దరఖాస్తులు ప్రారంభం

మార్చి 12 నుంచి దరఖాస్తులను స్వీకరించనుంది. ఉన్నత విద్యా మండలి చైర్మన్ అధ్యక్షతన గురువారం జరిగిన పీజీఈసెట్‌ సమావేశంలో సిలబస్, షెడ్యూలు, అర్హతలు, పరీక్ష ఫీజు తదితర అంశాలపై చర్చించి నిర్ణయం తీసుకున్నారు. జూన్10 నుంచి 22 వరకు రోజు రెండు సెషన్లలో ప్రవేశ పరీక్షలు నిర్వహించాలని నిర్ణయించారు. ప్రతి రోజు ఉదయం 10 గంటల నుంచి మధ్యాహ్నం 12 గంటల వరకు ఒక సెషన్, మధాహ్నం 2 గంటల నుంచి సాయంత్రం 4 గంటల వరకు రెండో సెషన్ పరీక్షలు నిర్వహిస్తారు. పరీక్ష కేంద్రాలు హైదరాబాద్, వరంగల్‌లో ఏర్పాటు చేయనున్నారు. ఈ సమావేశంలో పీజీఈసెట్‌ చైర్మన్, ఓయూ ఇన్చార్జి వీసీ అరవింద్‌కుమార్, పీజీఈసెట్‌ కన్వినర్‌ ప్రొఫెసర్‌ పి.లక్ష్మీనారాయణ తదితరులు పాల్గొన్నారు. రిజిస్ట్రేషన్ ఫీజు రూ.1,000గా నిర్ణయించారు. ఎస్సీ, ఎస్టీ, వికలాంగులకు రూ.500గా నిర్ణయించారు. అభ్యర్థులు 2 గంటల్లో 120 ప్రశ్నలకు సమాధానాలు రాయాల్సి ఉంటుందని సమావేశంలో నిర్ణయం తీసుకున్నారు. మరిన్ని వివరాలను tsche.ac.in వెబ్‌సైట్‌లో పొందవచ్చు.

ఇదీ షెడ్యూల్‌:
12–3–2021 నుంచి: ఆన్‌లైన్ దరఖాస్తులు
30–4–2021: ఆన్‌లైన్ దరఖాస్తుల చివరి గడువు
15–6–2021 వరకు: ఆలస్య రుసుముతో దరఖాస్తుల స్వీకరణ
10–6–2021 నుంచి 18–6–2021 వరకు: హాల్‌టికెట్ల డౌన్లోడ్‌
19–6–2021 నుంచి 22–6–2021 వరకు: ఆన్‌లైన్ లో ప్రవేశ పరీక్షలు