NTPC Jobs 2023 : రూ.1,40,000 జీతంతో.. ఎన్‌టీపీసీలో 495 ఉద్యోగాలు.. అర్హ‌తలు ఇవే..

ఇంజినీరింగ్ డిగ్రీతోపాటు.. గేట్-2023 అర్హత ఉన్నవారు దరఖాస్తు చేసుకోవడానికి అర్హులు.ఎంపికైన అభ్యర్థులు వేర్వేరు చోట్ల ఏడాది పాటు శిక్షణ తీసుకోవాల్సి ఉంటుంది. శిక్షణ పూర్తయ్యాక పోస్టింగ్‌ ఇస్తారు. దేశంలో ఎక్కడైనా పనిచేయాల్సి ఉంటుంది.

ఫీజు : సరైన అర్హతలున్న అభ్యర్థులు దరఖాస్తు ఫీజుగా రూ.300 చెల్లించాల్సి ఉంటుంది. ఎస్సీ, ఎస్టీ, దివ్యాంగులు, ఎక్స్-సర్వీస్‌మెన్, మహిళలకు ఫీజు నుంచి మినహాయింపు ఉంది.

వయోపరిమితి: 
20.10.2023 నాటికి 27 సంవత్సరాలలోపు ఉండాలి. ప్రభుత్వ నిబంధనల ప్రకారం వయోపరిమితిలో సడలింపులు వర్తిస్తాయి.

ద‌ర‌ఖాస్తు వివ‌రాలు :
ఈ పోస్టుల భర్తీకి సంబంధించిన ఆన్‌లైన్ విధానం అక్టోబరు 6వ తేదీ నుంచి అక్టోబరు 20 వరకు దరఖాస్తు చేసుకోవచ్చు. 

జీతం : ఈ ఉద్యోగాలకు ఎంపికైన వారికి నెలకు రూ.40,000 నుంచి రూ.1,40,000 వరకు జీతంగా పొందొచ్చు. 

పోస్టుల వివ‌రాలు ఇవే..
☛ ఇంజినీరింగ్ ఎగ్జిక్యూటివ్ ట్రైనీ ఖాళీలు : 495
☛ ఎలక్ట్రికల్ : 120
☛ మెకానికల్ : 200
☛ ఎలక్ట్రానిక్స్/ఇన్‌స్ట్రుమెంటేషన్ : 80
☛ సివిల్ : 30
☛ మైనింగ్ : 65

అర్హ‌త‌లు ఇవే..
ఈ పోస్టుల‌కు సంబంధిత విభాగంలో కనీసం 65 శాతం మార్కులతో ఇంజినీరింగ్ డిగ్రీతోపాటు.. గేట్-2023 అర్హత ఉండాలి. ఎస్సీ, ఎస్టీ, దివ్యాంగులకు 55 శాతం మార్కులు ఉంటే సరిపోతుంది.

ఎంపిక విధానం : 
అకడమిక్ మార్కులు, గేట్-2023 స్కోరు ఆధారంగా ఎంపిక చేస్తారు.

పూర్తి వివ‌రాలు ఇవే...