ఎలాంటి కంప్యూటర్ జాబ్ చేయాలనుకుంటున్నారో.. తెలుసుకోండిలా!!

ఆ తర్వాత అందుకు అనువైన కోడింగ్ లాంగ్వేజ్‌ను ఎంచుకోవాలి. కంప్యూటర్ కొలువుల పరంగా ప్రధానంగా చెప్పుకోదగ్గవి.. ఈ ఫ్రంట్ ఎండ్ డెవలపర్ లేదా డిజైనర్ ఎట్ యాన్ ఏజెన్సీ ఈ ఫ్రీలాన్‌‌స వెబ్ డెవలప్‌మెంట్ ఈ బ్యాక్ ఎండ్ లేదా ఫుల్ స్టాక్ డెవలప్‌మెంట్ ఈ డెవలప్ మొబైల్ యాప్స్ ఈ మేనేజ్ కంటెంట్ ఎట్ యాన్ ఏజెన్సీ, ఫ్రీలాన్సర్ వంటివి.. ఇలా ఒక్కో అవసరానికి ఒక్కో లాంగ్వేజ్ ఉంటుంది. చాలావాటికి కొన్ని ఫీచర్స్ కామన్‌గా ఉంటాయి. అంటే.. ఒక లాంగ్వేజ్ నేర్చుకుంటే మిగతావి సులువుగానే అందిపుచ్చుకోవచ్చు.

వెబ్‌సైట్స్ రూపొందించేందుకు..

• వెబ్‌సైట్స్ డిజైనింగ్ అంటే ఇష్టం ఉండి.. ఇందుకోసం ఎక్కువ సమయం వెచ్చించే సహనం ఉంటే ఫ్రంట్ ఎండ్ డెవలపర్‌గా పనిచేయవచ్చు. ఇందుకోసం HTML, CSS, JAVA Script/JQuery, Git& GitHub, Sass, JAVA Script Frameworks నేర్చుకోవాలి.
• ఆసక్తి మేరకు కొన్ని కోర్సులు నేర్చుకుని.. ఫ్రీలాన్‌‌స వెబ్ డిజైనర్‌గా అవసరమైనవారికి అందమైన వెబ్‌సైట్స్ రూపొందించి ఇవ్వవచ్చు. దీని ద్వారా స్వతంత్రంగా పనిచేసేందుకు అవకాశం ఉంటుంది. ఇందుకోసం HTML, CSS, PHP, JAVA Script / JQuery, Git & GitHub, Sass, JAVA Script Frameworks, WordPress నేర్చుకోవాలి.
• నంబర్స్, డేటా, పవర్‌ఫుల్ వెబ్‌సైట్స్ రూపకల్పనపై ఆసక్తి ఉండేవారు బ్యాకెండ్ లేదా మొత్తం ప్రాజెక్ట్ రూపకల్పనను చేపట్టవచ్చు. ఇందుకోసం HTML, CSS, PHP, Git & GitHub, Ruby on Rails వంటి కోర్సులపై పట్టు సాధించాలి.
• పస్తుతం మొబైల్ యాప్ శకం నడుస్తోంది. ప్రతి ఒక్కరూ తమ దైనందిన పనుల కోసం యాప్స్‌నే వినియోగిస్తున్నారు. మొబైల్ యాప్స్ రూపొందిం చేందుకు అనువైన కోర్సులు HTML, CSS, Git & GitHub, Objectiv-C & Swift.
• పూర్తి స్థాయి టెక్నికల్ స్కిల్స్ నేర్చుకునేందుకు చాలాకాలం పడుతుందని భావించే వారు తక్కువ సమయంలో నేర్చుకునే ప్రైమరీ టెక్ కోర్సులు పూర్తిచేసి.. ఆ తర్వాత టెక్నికల్ స్కిల్స్‌తో కంటెంట్ మేనేజర్స్‌గా పనిచేయవచ్చు. ఇందుకోసం HTML, CSS, PHP, WordPress ఉపయోగపడతాయి.