AP Polycet – 2022 అడ్మిషన్ల కౌన్సెలింగ్‌కు సంబంధించి దరఖాస్తు గడువును ఆగస్టు 11వరకు పొడిగిస్తున్నట్లు కన్వీనర్, సాంకేతిక విద్యాశాఖ కమిషనర్‌ డాక్టర్‌ పోలాభాస్కర్‌ ఆగస్టు 2న తెలిపారు.
ఆన్‌లైన్‌ ఫీజు చెల్లింపు, దరఖాస్తు సమర్పణ, సర్టిఫికెట్ల పరిశీలనకు ఆగస్టు 1 వరకు గడువును పొడిగిస్తున్నట్లు వివరించారు. ఆగçస్టు 3న టెన్త్‌ అడ్వాన్స్‌ సప్లిమెంటరీ పరీక్షల ఫలితాలు వెలువడుతున్న నేపథ్యంలో ఆ విద్యార్థులకు మేలు కలిగేలా పాలిసెట్ అడ్మిషన్ల షెడ్యూల్‌లో మార్పులు చేసినట్లు తెలిపారు. మరిన్ని వివరాలకు ‘appolycet.nic.in’ను సందర్శించాలని కోరారు. తాజా షెడ్యూల్‌ ప్రకారం ఆగస్ట్‌ 6 నుంచి 11 వరకు ఆప్షన్లు నమోదు చేసుకోవచ్చు. ఆగస్టు 12 వరకు ఆప్షన్ల సవరణకు అవకాశం ఉంది. సీట్లను 16న కేటాయించి 22 నుంచి తరగతులను ప్రారంభిస్తారు.
