జూన్ 7 నుంచి ఏపీ టెన్త్ 2021 పరీక్షలు.. షెడ్యూల్ ఇదే..

పదో తరగతి పరీక్షల షెడ్యూల్‌ను బుధవారం ఆయన విడుదల చేశారు. ఈ సందర్భంగా వెలగపూడిలోని సచివాలయంలో విలేకరుల సమావేశంలో మాట్లాడుతూ.. వచ్చే విద్యా సంవత్సరం జూలై 1 నుంచి ప్రారంభమవుతుందని చెప్పారు. టెన్‌‌త, ఇంటర్మీడియెట్ పరీక్షలకు సంబంధించి ఆయన వెల్లడించిన వివరాలిలా ఉన్నాయి.

ఏపీ పదో తరగతి సిలబస్, పబ్లిక్ పరీక్షల టైం టేబుల్ 2021, ప్రీవియస్ పేపర్స్, ఎగ్జామ్ పాట్రన్, స్టడీ మెటీరియల్, బిట్ బ్యాంక్, కెరీర్ గెడైన్స్.. ఇతర అప్‌డేట్స్ కోసం ఫాలో చేయండి.

టెన్త్ లో 7 పేపర్లు
పాఠశాలలను 220 రోజులు నిర్వహించాల్సి ఉండగా కరోనా వల్ల ఈసారి 167 రోజులే నిర్వహించగలుగుతున్నాం. సిలబస్‌లో 35 శాతం తగ్గించి పరీక్షలు నిర్వహిస్తాం. జూన్ 5వ తేదీ వరకు పదో తరగతి క్లాసులు నిర్వహిస్తాం. జూన్ 7నుంచి 16వ తేదీ వరకు నిర్వహించే పదో తరగతి పరీక్షల్లో ఏడు పేపర్లు ఉంటాయి. లాంగ్వేజ్-1, లాంగ్వేజ్-2, ఇంగ్లిష్, లెక్కలు, సాంఘిక శాస్త్రం సబ్జెక్టులలో 100 మార్కులకు ఒక్కొక్క పేపర్ చొప్పున ఉంటుంది. సైన్స్కు మాత్రం రెండు పేపర్లు ఉంటాయి. ఫిజికల్ సైన్స్ 50 మార్కులకు, బయలాజికల్ సైన్స్ 50 మార్కులకు పరీక్షలు నిర్వహిస్తాం.

జూలై 1 నుంచి కొత్త విద్యా సంవత్సరం
మే నెల 15వ తేదీ వరకు 1 నుంచి 9వ తరగతి క్లాసులు నిర్వహిస్తాం. ఈ సారి వేసవి సెలవులు లేవు. పరిస్థితిని బట్టి ఒంటిపూట బడులు నిర్వహించే విషయంపై నిర్ణయం తీసుకుంటాం. 1 నుంచి 9వ తరగతి విద్యార్థులకు మే 3 నుంచి 15 వరకు వార్షిక పరీక్షలు నిర్వహిస్తాం. మే 16 నుంచి జూన్ 30 వరకు సెలవులు ఇస్తాం. జూలై 1న కొత్త విద్యా సంవత్సరం ప్రారంభమవుతుంది.

మే 5 నుంచి ఇంటర్మీడియెట్ పరీక్షలు
ఇంటర్మీడియెట్ బోర్డు ఇప్పటికే ప్రకటించిన విధంగా మే 5 నుంచి 23వ తేదీ వరకు ఇంటర్మీడియెట్ పరీక్షలు నిర్వహిస్తాం. మార్చి 31 నుంచి ఏప్రిల్ 24 వరకు రెండు సెషన్లుగా జంబ్లింగ్ విధానంలో ప్రాక్టికల్స్ నిర్వహిస్తాం. ఈ ఏడాది ఇంటర్మీడియెట్ పరీక్షల ఫీజును 30 శాతం పెంచాల్సి ఉంది. కరోనా పరిస్థితుల నేపథ్యంలో ఫీజులు పెంచొద్దని ముఖ్యమంత్రి వైఎస్ జగన్‌మోహన్‌రెడ్డి ఆదేశించారు.

ఏపీ ఇంటర్మీడియెట్ సిలబస్, పబ్లిక్ పరీక్షల టైం టేబుల్ 2021, ఎగ్జామ్ పాట్రన్, స్టడీ మెటీరియల్, బిట్ బ్యాంక్, కెరీర్ గెడైన్స్.. ఇతర అప్‌డేట్స్ కోసం ఫాలో చేయండి.

దాంతో గత ఏడాది మాదిరిగానే పరీక్ష ఫీజు రూ.490, దరఖాస్తు ఫీజు రూ.10, ప్రాక్టికల్స్ ఫీజు రూ.190 చొప్పున మాత్రమే ఈ ఏడాది వసూలు చేస్తాం. గత ఏడాది కరోనా కారణంగా అడ్వాన్సుడ్ సప్లిమెంటరీ నిర్వహించలేకపోయాం. ఈ ఏడాది నిర్వహించే పరీక్షలతోపాటు ప్రస్తుతం రెండో సంవత్సరంలో ఉన్నవారు మొదటి ఏడాది పరీక్షలు ఇంప్రూవ్‌మెంట్ కోసం రాసుకోవచ్చు. గత ఏడాది ఇంటర్మీడియెట్ పాస్ అయిన వారు కూడా ఇప్పుడు ఆ పరీక్షలకు ఇంప్రూవ్‌మెంట్ పరీక్షలు రాసే అవకాశం కల్పించాం.

పదో తరగతి పరీక్షల షెడ్యూల్ ఇలా..