TS Deputy CM Bhatti Vikramarka : ఈ ప్ర‌కార‌మే.. 2 లక్షల ఉద్యోగాలను భర్తీ చేస్తాం... గ్రూప్-2, గ్రూప్-3 పరీక్షలను కూడా...
సాక్షి ఎడ్యుకేష‌న్ : తెలంగాణ జాబ్ క్యాలెండర్ ప్రకారం... ఎట్టి ప‌రిస్థితుల్లో 2 లక్షల ఉద్యోగాలను భర్తీ చేస్తామని డిప్యూటీ సీఎం మల్లు భట్టి విక్రమార్క ప్రకటించారు. తెలంగాణ రాష్ట్రంలో ఎన్నికల‌కు ముందు ఇచ్చిన హమీ ప్రకారం... ఉద్యోగాలను భర్తీ చేసి మాట మీద ఉంటామ‌ని తెలిపారు.
ఇప్పటికే 50 వేల ఉద్యోగాలను భర్తీ చేశామని.. త్వరలోనే మరిన్ని నోటిఫికేషన్ల ద్వారా రెండు లక్షల ఉద్యోగాలను భర్తీ చేస్తామని ప్రకటించారు. గ‌త ప్ర‌భుత్వంలో ఫెండింగ్‌లో ఉన్న ఉద్యోగాలను కూడా ఈ ప్ర‌భుత్వం క్లియ‌ర్ చేసి.. వారికి నియ‌మాక ప‌త్రాల‌ను ఇచ్చామ‌న్నారు. అలాగే యూపీఎస్సీ మెయిన్స్‌కు ఎంపికైన వారికి లక్ష రూపాయల ఆర్థిక సహాయాన్ని కొనసాగిస్తామని ప్రకటించారు.
గ్రూప్-2, గ్రూప్-3 పరీక్షలను..
తెలంగాణ ప‌బ్లిక్ స‌ర్వీస్ క‌మిష‌న్ ద్వారా.. విజయవంతంగా గ్రూప్–1 మెయిన్స్ పరీక్షలు నిర్వహించామ‌న్నారు. ఇలాగే త్వరలోనే గ్రూప్-2, గ్రూప్-3 పరీక్షలను విజయవంతంగా నిర్వహిస్తామని స్పష్టం చేశారు.
#Tags