TSPSC Group 2 Exam Attendance 2024 : షాకింగ్ న్యూస్‌.. గ్రూప్-2 ప‌రీక్ష‌కు తొలి రోజు స‌గం మందికి పైగా...
సాక్షి ఎడ్యుకేషన్ : తెలంగాణ పబ్లిక్ సర్వీస్ కమిషన్ 783 గ్రూప్-2 పోస్టుల‌కు డిసెంబ‌ర్ 15వ తేదీ ఉద‌యం 10 గంటల నుంచి మధ్యాహ్నం 12.30 గంటల వరకు పేపర్-1 ప‌రీక్ష‌ను నిర్వహించారు. అలాగే ఇదే రోజు మధ్యాహ్నం 3 గంటల నుంచి సాయంత్రం 5.30 గంటల వరకు పేపర్-2 జ‌రిగింది.
తెలంగాణ రాష్ట్రవ్యాప్తంగా 33 జిల్లాల్లో 1,368 పరీక్షా కేంద్రాల్లో ఈ ప‌రీక్ష‌ల‌ను నిర్వహించారు. అయితే తెలంగాణ రాష్ట్ర పబ్లిక్ సర్వీస్ కమిషన్ నిర్వహించిన గ్రూప్ 2 పరీక్షలకు తొలిరోజు దారుణంగా సగంమంది కంటే ఎక్కువగానే గైర్హాజరు అయ్యారు. గ్రూప్ 2 తొలిరోజు పేపర్ –1 కు 46.75% (2,57,981 మంది), పేపర్–2 కు 46.30% (2,55490 మంది) మాత్ర‌మే హజరయ్యారు.
ఈ నోటీపికేషన్‌కు మొత్తం 5,51,855 మంది దరఖాస్తు చేసుకున్నారు. వీరిలో కేవలం 74.96% మందే హల్ టికెట్లు డౌన్లోడ్ చేసుకున్నారు. అలాగే ఇటీవలే నిర్వహించిన గ్రూప్–3 పరీక్షలకు కూడా ఇదే విధంగా సగంకంటే తక్కువగానే అభ్యర్థులు హాజ‌ర‌య్యారు.
గ్రూప్-2 ప‌రీక్ష‌కు తొలి రోజు స‌గం మందికి పైగా...
#Tags