learning French: ఫ్రెంచ్‌ నేర్చుకునేందుకు ప్రత్యేక ప్రోగ్రామ్‌
భారత విద్యార్థులు ఫ్రెంచ్‌ భాష నేర్చుకొనేందుకు ఫ్రాన్స్‌ అధ్యక్షుడు ఇమాన్యుయేల్‌ మెక్రాన్‌ ‘‘క్లాసెస్‌ ఇంటర్నేషనలేస్‌’’అనే ప్రత్యేక ప్రోగ్రామ్‌ని ప్రారంభించారు.
దీని ద్వారా ఏడాదిపాటు ఫ్రాన్స్‌లో ఉండి ఫ్రెంచ్‌ నేర్చుకోవచ్చు. అనంతరం తమకు నచ్చిన డిగ్రీలో చేరవచ్చు. ఈ ఏడాది సెప్టెంబరు నుంచి ఈ ప్రోగ్రామ్‌ ప్రారంభం అవుతుంది. ఈ మేరకు ఫ్రాన్స్‌ ఎంబసీ జనవరి 31న ఒక ప్రకటనలో వెల్లడించింది. గణతంత్ర దినోత్సవం సందర్భంగా.. ప్రధాని మోదీ, అధ్యక్షుడు మెక్రాన్‌ ల సంయుక్త ప్రకటనకు అనుగుణంగా ఈ నిర్ణయం తీసుకున్నారు. భారత విద్యార్థులకు ఫ్రాన్స్‌లో మరిన్ని విద్యావకాశాలు కల్పించాలన్న మెక్రాన్‌ సూచనకు అనుగుణంగా ఈ ప్రోగ్రామ్‌ని ప్రారంభించారు. 5 ఏళ్ల షెంజెన్‌ వీసా వంటి వాటి ద్వారా ప్రస్తుతం ఫ్రాన్స్‌లో స్కాలర్‌షిప్‌లు పొందుతున్నవారిలో ఎక్కువ మంది భారత విద్యార్థులేనని ఫ్రాన్స్‌ ఎంబసీ తెలిపింది. 2030 నాటికి 30,000 మంది భారత విద్యార్థులను ఫ్రెంచ్‌ విద్యాసంస్థల్లో చేర్చుకోవాలని మెక్రాన్‌ సూచించారని వెల్లడించింది.
#Tags