Gurukul School Admissions : గురుకులాల్లో ఖాళీల భర్తీకి నోటిఫికేషన్ విడుద‌ల.. అర్హ‌త‌లివే!
సాక్షి ఎడ్యుకేష‌న్: తెలంగాణ గురుకులాల్లో 5వ త‌ర‌గ‌తిలో ప్ర‌వేశానికి సంబంధించిన నోటిఫికేషన్ విడుద‌లైంది. రాష్ట్ర వ్యాప్తంగా ఉన్న సోషల్‌ వెల్ఫేర్‌, ట్రైబల్ వెల్ఫేర్‌, బీసీ వెల్ఫేర్‌, గురుకుల విద్యాలయ సంస్థల్లో ప్రవేశాల కోసం ఉమ్మడి ప్రవేశ పరీక్ష 2025 ఫిబ్రవరి 23వ తేదీన ఉదయం 11 గంటల నుండి మధ్యాహ్నం 1 గంట వరకు రాష్ట్రంలోని అన్ని జిల్లాల్లో TG Gurukul CET 2025 కండక్ట్ చేయనున్నారు. ఇంగ్లీష్ మీడియం బోధనతో విజయవంతంగా నడుస్తున్న ఈ గురుకుల పాఠశాలల్లో చేరేందుకు విద్యార్థులు ఆన్‌లైన్‌ విధానంలో దరఖాస్తు చేసుకోవాల్సి ఉంటుంది.
Gurukul Admissions: గురుకుల ప్రవేశాలకు నోటిఫికేషన్
అర్హులు:
ఈ గురుకులాల్లో ప్ర‌వేశం కోసం అప్లై చేసే విద్యార్థులు సంబంధిత జిల్లాల్లోని ప్రభుత్వ లేదా ప్రభుత్వ గుర్తింపు పొందిన స్కూళ్లలో నాలుగో తరగతి 2024-25 విద్యా సంవత్సరంలో చదివి ఉండాలి.
వ‌యోప‌రిమితి:
ఓసీ, బీసీ, బీసీ విద్యార్థులు 9 నుండి 11 ఏళ్ల మధ్య, ఎస్సీ/ఎస్టీ విద్యార్థులు 9 నుంచి 13 ఏళ్ల మధ్య ఉండాలి.
ద‌ర‌ఖాస్తులు ప్రారంభం అండ్ ముగింపు తేదీ:
డిసెంబర్‌ 21, 2024 నుంచి దరఖాస్తు ప్రక్రియ ప్రారంభం కాగా.. ఆన్‌లైన్‌ దరఖాస్తులకు చివరితేది ఫిబ్రవరి 1, 2025 అని పేర్కొన్నారు. విద్యార్థుల ఎంపిక విషయంలో ఉమ్మడి జిల్లాను ఒక యూనిట్‌గా పరిగణిస్తారు.
వార్షిక ఆదాయం:
ఈ గురుకులాల్లో అడ్మిషన్స్ కోసం అప్లై చేసే విద్యార్థి తల్లిదండ్రుల వార్షిక ఆదాయం గ్రామీణ ప్రాంతాల్లో అయితే రూ.1.50,000, పట్టణ ప్రాంతాల్లో అయితే.. రూ.2,00,000 లోపు ఉండాలని తెలిపారు. ఓఎంఆర్‌ షీట్‌ విధానంలో ఆబ్జెక్టివ్ మెథడ్ లో ఈ ప్రవేశ పరీక్ష జరుగుతుంది.
☛Follow our YouTube Channel (Click Here)
☛ Follow our Instagram Page (Click Here)