Free training in music course: సంగీతంలో ఉచిత శిక్షణ

మానసిక ప్రశాంతతకు సంగీతం దోహదపడుతుందని ఆంధ్రా యూనివర్సిటీ వీసీ ప్రసాదరెడ్డి అన్నారు. ఏయూ–సెయింట్‌ లూక్స్‌ ఆడియో ఇంజినీరింగ్‌–మ్యూజిక్‌ ప్రొడక్షన్‌ విభాగంలో శుక్రవారం నాక్‌ విజయోత్సవం, సెయింట్‌ లూక్స్‌ స్టూడియో ప్రథమ వార్షికోత్సవం ఘనంగా నిర్వహించారు.

ఈ సందర్భంగా వీసీ కేక్‌ కట్‌చేసి, నూతనంగా అభివృద్ధి చేసిన కంప్యూటర్‌, ఆడియో, వీడియో ఎడిటింగ్‌ ల్యాబ్‌లను పరిశీలించారు. ఏయూ నాక్‌ ఏ ప్లస్‌ ప్లస్‌, 3.74 సీజీపీఏ సాధించడంపై సెయింట్‌ లూక్స్‌ సంస్థల నిర్వాహకులు ఆశీర్వాద్‌ లూక్‌, ప్రీతం లూక్‌ సంతోషం వ్యక్తం చేశారు. కార్యక్రమంలో రిజిస్ట్రార్‌ ఆచార్య ఎం.జేమ్స్‌ స్టీఫెన్‌ తదితరులు పాల్గొన్నారు.