World's Biggest School : ప్ర‌పంచంలోనే అతిపెద్ద పాఠ‌శాల ఇదే.. దీని ప్ర‌త్యేక‌త‌లు ఇవే..!

సాక్షి ఎడ్యుకేష‌న్: విదేశాల్లో ఎన్నో ప్ర‌సిద్ధి చెందిన పాఠ‌శాల‌లు, ఎంతో పేరొందిన యూనివ‌ర్సిటీలు, ఉత్త‌మ ఉన్న‌త విద్య‌ను అందించే సౌక్య‌ర్యాలు, అవ‌కాశాలు ఉంటాయని అక్క‌డే స్థిర‌ప‌డేలా ల‌క్ష్యాలు కూడా పెట్టుకుంటారు చాలామంది విద్యార్థులు.

Job Opportunities: పదో తరగతి అర్హతతో ఉద్యోగాలు.. నెలకు రూ.15వేల వేతనం

అయితే, ఒక‌వేళ‌, ప్ర‌పంచంలోనే అత్యంత పెద్ద‌, పేరొందిన‌, అత్యున్న‌త సౌకర్యాలు, బెస్ట్ ఎడ్యుకేష‌న్ పొందగ‌లిగే పాఠ‌శాల ఎక్క‌డ ఉంది అంటే.. ఏం చెబుతారు..? ఎక్క‌డ ఉంటుంది.. ఏ అమెరికాలోనో, ఆస్ట్రేలియాలోనో, లేదా ఇంకేదైనా విదేశంలోనో ఉంటుంది అని చెబుతారు లేదా అనుకుంటారు. కాని, కాదండి..

ప్రపంచంలోనే అతి పెద్ద పాఠ‌శాల ఈ దేశంలోనే..

ప్ర‌పంచ‌వ్యాప్తంగా అతి పెద్ద‌, పేరొంది బెస్ట్ స్కూల్ అంటే ఏ విదేశాల్లోనో లేదు అది మ‌న భార‌త్ దేశంలోనే ఉందండి.. అంటే న‌మ్ముతారా..?? కానీ, ఇదే నిజం.. వ‌రల్డ్ లార్జెస్ట్ స్కూల్ భార‌త్‌లోని ఉత్తర్‌ప్రదేశ్‌ రాజధాని లక్నో కేంద్రంగా నడుస్తున్న సిటీ మాంటిస్సోరి స్కూల్ (సీఎమ్ఎస్‌) ఉంది. మ‌రో విశేషం ఏంటంటే.. ఈ స్కూల్‌కి గిన్నీస్ వ‌ర్డ్ బుక్ ఆఫ్ రికార్డులో కూడా దీని పేరుంది.

Rajender Meghwar: పాకిస్థాన్‌లో తొలి హిందూ పోలీస్ అధికారిగా రాజేందర్

5 మంది నుంచి 60 వేల విద్యార్థుల‌తో..

ఉత్త‌ర్‌ప్ర‌దేశ్‌లో ఉన్న ఈ పాఠ‌శాల‌ను 1959లో డాక్టర్ జగదీష్ గాంధీ, డాక్టర్ భారతీ గాంధీ కలిసి ప్రారంభించారు. ఈ పాఠ‌శాల ప్రారంభంలో కేవ‌లం 5 మంది విద్యార్థులు మాత్ర‌మే ఉండేవారు. వారికే, ఉపాధ్యాయులు పాఠాలు చెప్పేవారు. కాని, ఈ పాఠ‌శాల‌లో విద్య‌విధానం, సౌక‌ర్యాలు, ఇలా ఒక్కొ మెట్టు ఎక్కుతూ నేడు ఈ స్కూల్‌లో 60 వేల‌కు పైగా విద్యార్థులు చ‌దువుతున్నారు.

☛Follow our YouTube Channel (Click Here)

☛ Follow our Instagram Page (Click Here)

అంతేకాదు, టీచర్లు, ఉద్యోగులు, ఇతర సిబ్బంది కలిసి మొత్తంగా 4,500 మందికి పైగా ఇక్కడ పనిచేస్తున్నారు. నగర వ్యాప్తంగా ఈ స్కూల్‌కి 21 క్యాంపస్‌లు ఉన్నాయి. ఇలా, ఎంతో చిన్న  విద్యాసంస్థ నుంచి ఎదిగి నేడు ప్ర‌పంచంలోనే అత్యంత పెద్ద విద్యాసంస్థ‌గా పేరు తెచ్చుకున్న సంస్థ‌గా వ‌రల్డ్ బుక్ ఆఫ్ రికార్డుల్లో పేరు కూడా తెల‌చ్చుకుంది.

PGCIL Recruitment: పీజీసీఐఎల్, గురుగ్రామ్‌లో 71 ఆఫీసర్‌ ట్రైనీ పోస్టులు.. ఎంపిక విధానం ఇలా..

ఈ స్కూల్ ప్ర‌త్యేక‌త‌లు ఇవే..

1. సిటీ మాంటిస్సోరి స్కూల్‌లో 1000కి పైగా క్లాస్ రూమ్స్, 3,700కు పైగా కంప్యూటర్లు ఉన్నాయి. 
2. హయ్యర్ సెకండరీ స్కూల్‌గా సేవలు అందిస్తున్న సిటీ మాంటిస్సోరి స్కూల్‌లో మొత్తంగా 4 సెక్షన్లు ఉంటాయి. అవే.. ప్రీ ప్రైమరీ, ప్రైమరీ, జూనియర్, సీనియర్ సెక్షన్లలో విద్యార్థులు చేరేందుకు అవకాశం ఉంది. 
3. కౌన్సిల్ ఫర్ ఇండియన్ స్కూల్ సర్టిఫికెట్ ఎగ్జామినేషన్ (సీఐఎస్‌సీఈ) ఆమోదం పొందిన ఈ పాఠశాలలో క్వాలిటీ ఎడ్యుకేషన్‌తో పాటు మిగతా యాక్టివిటీలపై ప్రత్యేక తరగతులు నిర్వహిస్తుంటారు. 
4. ముఖ్యంగా, కళలు, సంగీతం, నృత్యం, డ్రామా, స్పోర్ట్స్, డిబేట్స్, MUN వంటి కో కరిక్యులర్ యాక్టివిటీల్లోనూ ఈ స్కూల్ బెస్ట్ సర్వీస్ అందిస్తోంది.

☛ Join our WhatsApp Channel (Click Here)

☛ Join our Telegram Channel (Click Here)

చ‌దువుతోపాటు ఇత‌ర విష‌యాలు కూడా..

అకడమిక్ చదువులే కాకుండా విద్యార్థుల్లో నైతిక విలువలు, ఆత్మవిశ్వాసం పెంపొందించడం, సామాజిక నైపుణ్యాలు, విశాల దృక్పథాన్ని అలవరచడం, వ్యక్తిత్వ వికాసంపై అవగాహన వంటి విష‌యాల్లో మరింత  కల్పించడంలో ఈ స్కూల్ ఓ బెంచ్ మార్క్ సెట్ చేసిందని చెప్పొచ్చు.
విద్యార్థులను అర్థం చేసుకోవడానికి, వారి ఆలోచనలకు సరైన మార్గనిర్దేశం చేయడానికి ఉపాధ్యాయులు కూడా విద్యార్థుల‌కు ఎంతో సహాయపడతారు.
CUET Exam Changes In 2025: యూనివర్శిటీ కామన్ ఎంట్రన్స్ టెస్ట్ (CUET)లో మార్పులు
ఈ స్కూల్‌లో చేరిన విద్యార్థిని పరిపూర్ణ వ్యక్తిలా తీర్చిదిద్దుతారు. అందుకే, ఈ స్కూల్‌లో తమ పిల్లల్ని చేర్పించడానికి చాలా మంది పేరెంట్స్ ఆసక్తి కనబరుస్తున్నారు.
చ‌దువుతోపాటు ఇత‌ర విష‌యాల్లో కూడా దృష్టి సారించ‌డంతో ఈ పాఠ‌శాల పేరు మ‌రింత మారుమోగింది.

ప్ర‌ముఖులు కూడా..

ఎంతో మంది ప్రముఖులు ఈ స్కూల్‌లో చదివారు. బాలీవుడ్ నటి సెలీనా జైట్లీ, మోడల్ జితేష్ సింగ్ వంటి ప్రముఖులు ఈ స్కూల్‌లోనే విద్యాభ్యాసం పూర్తి చేశారు.

అవార్డులు.. రివార్డులు..

1. సిటీ మాంటిస్సోరి స్కూల్‌కి 2002లో యునెస్కో శాంతి విద్యా బహుమతి లభించింది. 
2. 2005లో వరల్డ్ లార్జెస్ట్ స్కూల్‌గా రికార్డ్ సాధించింది.

Telangana Thalli: తెలంగాణ తల్లి విగ్రహాన్ని ఆవిష్కరించిన రేవంత్‌ రెడ్డి