Skip to main content

June Month Holidays 2024 List : జూన్ నెలలో 10 రోజులు సెలవులు.. ఎందుకంటే..?

సాక్షి ఎడ్యుకేష‌న్ : 2024 జూన్ నెల‌లో మొత్తం దాదాపు 10 రోజులు సెల‌వులు రానున్నాయి. ప్ర‌భుత్వ‌, ప్రైవేట్ ఉద్యోగుల‌కు సాదార‌ణ‌ సెల‌వులు శ‌నివారం, ఆదివారం మాత్ర‌మే సెల‌వులు రానున్నాయి. అలాగే స్కూల్స్‌, కాలేజీలు జూన్ నెల రెండో వారం నుంచే ప్రారంభం కానున్నాయి. అయితే బ్యాంక్ ఉద్యోగుల‌కు మాత్రం సాదార‌ణ‌ సెల‌వులతో పాటు.. అద‌నంగా మ‌రో రెండు రోజులు పాటు సెల‌వులు రానున్నాయి.
June Month Holidays 2024 Details

జూన్ నెలలో బ్యాంకుల సెలవుల జాబితాను రిజర్వ్ బ్యాంక్ ఆఫ్ ఇండియా విడుదల చేసింది. జూన్ నెలలో బ్యాంకు పనులుంటే ఈ సెలవుల్ని బట్టి ప్లాన్ చేసుకోవడం మంచిది. జూన్ నెలలో ఏయే ప్రాంతాల్లో ఎప్పుడెప్పుడు బ్యాంకు సెలవులున్నాయో తెలుసుకుందాం. రిజర్వ్ బ్యాంక్ ఆఫ్ ఇండియా ఎప్పటికప్పుడు ప్రతి నెలా బ్యాంకు సెలవుల జాబితా విడుదల చేస్తుంటుంది. 

☛ Intermediate Academic Calendar 2024-25 : ఇంట‌ర్ అకడమిక్ కేలండర్ 2024-25 ఇదే.. ప‌రీక్ష‌లు.. సెల‌వుల ఇలా..

పబ్లిక్ హాలిడేస్ కాకుండా ప్రాంతీయ సెలవులుంటాయి. ఇవి రాష్ట్రాన్ని బట్టి మారుతుంటాయి. అందుకే బ్యాంకు పనులుంటే ఎప్పుడెప్పుడు సెలవులున్నాయో చెక్ చేసుకోవడం మంచిది. లేకపోతే ఇబ్బందులు ఎదుర్కోవల్సి వస్తుంది. జూన్ నెలలో బ్యాంకులకు 10 రోజుల వరకూ సెలవులున్నాయి మరి. ఆన్‌లైన్ చెల్లింపులు, డిజిటల్ లావాదేవీలు ఎంతగా పెరుగుతున్నా ఏదో పని నిమిత్తం బ్యాంకులు వెళ్లాల్సిన అవసరం వస్తోంది. 

☛ May 27th Holiday : మే 27వ తేదీన‌ సెల‌వు.. ఎందుకంటే..?

ఈసారి జూన్‌లో 10 రోజులు బ్యాంకులకు సెలవులున్నాయి. ఇందులో రెండవ, నాలుగవ శనివారాలు, నాలుగు ఆదివారాల రూపంలో ఆరు రోజులు మినహాయిస్తే మరో నాలుగు రోజులు సెలవులున్నాయి. రాజా సంక్రాంతి, బక్రీద్ వంటి పండుగలు జూన్ నెలలోనే ఉన్నాయి. జూన్‌లో బ్యాంకులకు 10 రోజులు సెలవులు ఉన్నా ఏటీఎంలు పనిచేస్తాయి. ఆన్‌లైన్ బ్యాంకింగ్ మొబైల్ బ్యాంకింగ్ సేవలకు ఇబ్బంది ఉండదు. 

జూన్ 2024 బ్యాంకు సెలవుల వివ‌రాలు ఇవే..

☛ జూన్ 2 ఆదివారం బ్యాంకులకు సెలవు
☛ జూన్ 8 రెండవ శనివారం సెలవు
☛ జూన్ 9 ఆదివారం సెలవు
☛ జూన్ 15 రాజా సంక్రాంతి సందర్భంగా మిజోరాం, ఒడిశాలో సెలవు
☛ జూన్ 16 ఆదివారం సెలవు
☛ జూన్ 17 ఈద్ ఉల్ అజ్హా లేదా బక్రీద్ సెలవు
☛ జూన్ 18 జమ్ము కశ్మీర్‌లో బక్రీద్ సెలవు
☛ జూన్ 22 నాలుగవ శనివారం సెలవు
☛ జూన్ 23 ఆదివారం సెలవు
☛ జూన్ 30 ఆదివారం సెలవు

Published date : 24 May 2024 01:37PM

Photo Stories