ITI Admissions: ఐటీఐల్లో నాలుగో విడత అడ్మిషన్లు.. చివరి తేదీ ఇదే
Sakshi Education
లేపాక్షి: జిల్లాలోని ప్రభుత్వ, ప్రైవేటు ఐటీఐ కళాశాలల్లో మిగులు సీట్ల భర్తీకి 4వ విడత అడ్మిషన్ల ప్రక్రియ చేపట్టామని జిల్లా కన్వీనర్‌, లేపాక్షి ప్రభుత్వ ఐటీఐ ప్రిన్సిపాల్‌ రాయపురెడ్డి మంగళవారం ఒక ప్రకటనలో తెలిపారు.
ITI Admissions
ఆసక్తి గల అభ్యర్థులు ఈనెల 26వ తేదీలోపు www. iti. ap. gov. in వెబ్‌సైట్‌లో వివరాలు నమోదు చేసుకోవాలని ఆయన సూచించారు. అభ్యర్థి దరఖాస్తు చేసుకున్న కళాశాలకు వెళ్లి ఒరిజనల్‌ సర్టిఫికెట్లను 27వ తేదీ సాయంత్రం 3 గంటల్లోపు వెరిఫై చేయించుకోవాలన్నారు.
ఆన్‌లైన్‌లో వెరిఫై చేయించుకున్న వారు మాత్రమే కౌన్సెలింగ్‌కు అర్హులన్నారు. ప్రభుత్వ ఐటీఐ కళాశాలల్లో 28వ తేదీన, ప్రైవేటు ఐటీఐ కళాశాలలో ఈ నెల 30వ తేదీన కౌన్సెలింగ్‌ ఉంటుందన్నారు. వివరాలకు 9440285629, 9490445744, 8523831381 నంబర్లను సంప్రదించాలని సూచించారు.
