Sandeep Shandilya: టీఎస్‌పీఎస్సీ పరీక్ష కేంద్రాల చుట్టూ 144 సెక్షన్‌
Sakshi Education
సాక్షి, సిటీబ్యూరో: Telangana State Public Service Commission (TSPSC) నిర్వహించే వివిధ పరీక్షలు అక్టోబ‌ర్ 18 నుంచి 20 వరకు జరుగనున్నాయి.
టీఎస్‌పీఎస్సీ పరీక్ష కేంద్రాల చుట్టూ 144 సెక్షన్‌
నగరంలోని ఫిల్మ్‌నగర్‌, మహంకాళి, మార్కెట్‌, ఐఎస్‌ సదర్‌, అబిడ్స్‌ ఠాణాల పరిధిలో ఉన్న ఐదు కేంద్రాల్లో ఇవి జరుగుతాయి. ఈ నేపథ్యంలో ఎలాంటి అవాంఛనీయ ఘటనలకు తావు లేకుండా పరీక్ష కేంద్రాల చుట్టూ 100 గజాల పరిధిలో 144వ సెక్షన్‌ విధిస్తూ నగర కొత్వాల్‌ సందీప్‌ శాండిల్య ఉత్తర్వులు జారీ చేశారు. వీటి ప్రకారం ఆయా ప్రాంతాల్లో నలుగురు, అంతకంటే ఎక్కువ మంది ఒక చోట గుమిగూడటం నిషేధం. ఉత్తర్వులు ఉల్లంఘించిన వారిపై చర్యలు తీసుకుంటామని కొత్వాల్‌ హెచ్చరించారు.
