దీంతో పలు కీలకాంశాలు వెలుగులోకి వచ్చినట్లు తెలిసింది. టీఎస్‌పీఎస్సీ సిస్టమ్‌ అడ్మిన్‌గా ఉన్న రాజశేఖర్‌రెడ్డి అక్కడి ఉద్యోగులు, అధికారులకు యూజర్‌ ఐడీలు తయారు చేసి ఇచ్చాడు. ఎవరికి ఇబ్బంది వచ్చి నా ఇతడే వెళ్లి సరిచేసేవాడు. ఈ నేపథ్యంలోనే కస్టోడియన్‌ శంకరలక్ష్మి , మరికొందరి యూజర్‌ ఐడీలు, పాస్‌వర్డ్స్‌ ఇతడికి తెలిశాయి. గ్రూప్‌–1 కోసం దరఖాస్తు చేసుకున్న ప్రవీణ్ ఆ ప్రశ్న పత్రం ఇవ్వాలని గత జూన్‌ నుంచి రాజశేఖర్‌ను కోరుతున్నాడు. అతడి కోసమే శంకరలక్ష్మి సిస్టమ్‌ను ల్యాన్‌ ద్వారా యాక్సెస్‌ చేయడం మొదలెట్టాడు. ఆమె లేని సమయంలో కాని్ఫడెన్షియల్‌ సెక్షన్‌లోకి వెళ్లి రాజశేఖర్‌ కంప్యూటర్‌ ఆన్‌ చేసి వచ్చేవాడు.
చదవండి: KTR : ఈ టీఎస్‌పీఎస్సీ పరీక్షలకు.. మళ్లీ ఫీజు కట్టాల్సిన అవసరం లేదు.. అలాగే అన్ని..
ప్రవీణ్ కంప్యూటర్‌ నుంచి ల్యాన్‌ ద్వారా ఆ కంప్యూటర్‌ను యాక్సెస్‌ చేసి ప్రశ్నపత్రాల కోసం వెతికేవాడు. ఈ క్రమంలోనే గత అక్టోబర్‌ మొదటివారంలో గ్రూప్‌–1 ప్రిలిమ్స్‌ ప్రశ్నపత్రం, గత నెలలో మిగిలిన పరీక్షలకు ప్రవీణ్ చేతికి వచ్చాయి. దీంతో శంకరలక్ష్మి పుస్తకంలో యూజర్‌ ఐడీ, పాస్‌వర్డ్స్‌ తస్కరించామని అంతకుముందు ప్రవీణ్, రాజశేఖర్‌ చెప్పిన అంశం అవాస్తవమని అధికారులు నిర్ధా«రించారు. ఈ వ్యవహారంలో సాంకేతిక అంశాలకు సంబంధించి ఫోరెన్సిక్‌ నివేదికలు రాకపోవడంతో కీలకాంశాల్లో స్పష్టత రావట్లేదని అధికారులు చెప్తున్నారు. నివేదికల కోసం ఎదురుచూస్తున్నారు.
More Articles
Most Read
