తాజాగా ప్రపంచ టాప్‌ కంపెనీలలో ఒకటైన గూగుల్‌కు చెందిన యూట్యూబ్ మ్యూజిక్ విభాగం నుంచి 43 మంది ఉద్యోగులను తొలగించారు.

కారణం ఇదే..!  
కొన్ని మీడియా కథనాల ప్రకారం, యూట్యూబ్ మ్యూజిక్‌లో ఒప్పంద ప్రాతిపదికన పనిచేస్తున్న ఈ ఉద్యోగులు మెరుగైన వేతనం, ఇతర ప్రయోజనాలు కోసం డిమాండ్ చేయడంతో వారిని ఉద్యోగాల నుండి తొలగించారు. ఈ ఉద్యోగులు గూగుల్‌లో కాంట్రాక్ట్‌ పద్ధతిలో, సబ్‌కాంట్రాక్ట్‌గా కాగ్నిజెంట్‌లో పనిచేస్తున్నారు.

గూగుల్ స్పందన..
అయితే ఈ ఉద్యోగాల తొలగింపులకు గూగుల్ బాధ్యత వహించదని స్పష్టం చేసింది. తొలగించబడిన ఉద్యోగులకు కంపెనీలో ఇతర స్థానాలను కల్పించేలా ఏడు వారాల గడువు ఉంటుందని తెలిసింది.

స్పందించిన బాధితులు..
ఈ తొలగింపులపై బాధిత ఉద్యోగులు తీవ్ర ఆగ్రహం వ్యక్తం చేస్తున్నారు. ముందస్తు నోటీసు లేకుండా తమను ఉద్యోగాల నుంచి తొలగించడం అన్యాయమని ఆరోపిస్తున్నారు. యూట్యూబ్ డేటా అనలిస్ట్‌ జాక్ బెనెడిక్ట్ ఒకరు, ఈ విషయంపై యూనియన్ చర్చలకు సిద్ధమైనట్లు తెలిపారు.

ఇదే ట్రెండ్ కొనసాగుతుందా..?
టెక్‌ కంపెనీలలో ఉద్యోగాల తొలగింపులు ఇప్పటికీ కొనసాగుతున్నాయి. రాబోయే రోజుల్లో ఈ ట్రెండ్ ఎలా ఉంటుందో చూడాలి.

IT Sector: ఐటీ కారిడార్‌లో హైబ్రిడ్‌ మోడల్‌.. వర్క్‌ ఫ్రమ్‌ హోమ్‌పై కంపెనీల తీరు ఇదే!!