ఏఆర్‌ఐఐఏ ర్యాంకుల్లో మద్రాస్ ఐఐటీ ఫస్ట్

సృజనాత్మక, నూతన ఆవిష్కరణల ఆధారంగా ఉన్నత విద్యా సంస్థలకు, విశ్వవిద్యాలయాలకు కేంద్రం ఏఆర్‌ఐఐఏ ద్వారా ర్యాంకులను ప్రకటిస్తోంది. ఆరు కేటగిరీల్లోని ఈ ర్యాంకులను ఉపరాష్ట్రపతి ఎం.వెంకయ్య నాయుడు విడుదల చేశారు. మొదటి కేటగిరీలో ఇండియన్ ఇన్‌స్టిట్యూట్ ఆఫ్ సైన్స్ బెంగళూరు, ఐఐటీ ఖరగ్‌పూర్ నాలుగు, ఐదవ ర్యాంకులను దక్కించుకున్నాయి. కాన్పూర్, మండీ, రూర్కీలతో సహా 7 ఐఐటీలు, మొదటి పది స్థానాల్లో ఉన్నాయి. రాష్ట్ర నిధులతో నడిచే విశ్వవిద్యాలయాల కేటగిరీలో మహారాష్ట్రలోని ఇన్‌స్టిట్యూట్ ఆఫ్ కెమికల్ టెక్నాలజీ మొదటి స్థానంలో, రెండు, మూడు స్థానాల్లో పంజాబ్ యూనివర్సిటీ, ఛౌదరి చరణ్ సింగ్ హరియాణా వ్యవసాయ విశ్వవిద్యాలయం ఉన్నాయి. రాష్ట్ర నిధులతో నడిచే స్వయం ప్రతిపత్తి సంస్థల కేటగిరీలో పుణేలోని ‘కాలేజ్ ఆఫ్ ఇంజనీరింగ్’, పీఈఎస్ కాలేజ్ ఆఫ్ ఇంజనీరింగ్(బెంగళూరు), కోయంబత్తూర్ ఇన్‌స్టిట్యూట్ ఆఫ్ టెక్నాలజీ మొదటి మూడు స్థానాలను దక్కించుకున్నాయి. ప్రైవేటు వర్సిటీల్లో ‘ది కళింగ ఇన్‌స్టిట్యూట్ ఆఫ్ ఇండస్ట్రియల్ టెక్నాలజీ మొదటి స్థానంలో ఉంది.