Javelin Throw: రాష్ట్రస్థాయి క్రీడా పోటీల్లో విద్యార్థుల ఎంపిక
Sakshi Education
ఇటీవ‌లె నిర్వ‌హించిన జిల్లాస్థాయి అథ్లెటిక్ పోటీల్లో పాఠశాల విద్యార్థులు పాల్గొని త‌మ ప్ర‌తిభ‌ను చూపారు. ఈ మెర‌కు వారిని రాష్ట్రస్థాయి పోటీలకు ఎంపిక చేశారు.
School Students selected for state level Javelin Throw
సాక్షి ఎడ్యుకేష‌న్: కాకినాడలో బుధవారం జరిగిన స్కూల్‌ గేమ్స్‌ ఫెడరేషన్‌ ఆఫ్‌ ఇండియా జిల్లాస్థాయి క్రీడా పోటీల్లో అథ్లెటిక్ విభాగంలో మండలంలోని విద్యానగరం ఆశ్రమ పాఠశాల విద్యార్థులు రాష్ట్రస్థాయి పోటీలకు ఎంపికయ్యారు.
జావెలిన్‌ త్రో అండర్‌–17 విభాగంలో సీతారాం మొదటి స్థానం, షాట్‌పుట్‌ అండర్‌–14 విభాగంలో కణితి వెంకటేష్‌ తృతీయస్థానం, అండర్‌–17 విభాగంలో మడకం రాజు తృతీయస్థానం సాధించి రాష్ట్రస్థాయి పోటీలకు ఎంపికయ్యారు. రాష్ట్రస్థాయి పోటీలకు ఎంపికై న విద్యార్థులతో పాటు వీరికి శిక్షణనిచ్చిన పీఈటీ వెంకటేష్‌ను ఏటీడబ్ల్యూవో కంచర్ల సుజాత, ప్రధానోపాధ్యాయుడు చినబాబు, పాఠశాల సిబ్బంది అభినందించారు.
