మొగల్రాజపురం(విజయవాడ తూర్పు): జిల్లాలోని నిరుద్యోగ యువతకు ప్రయివేటు కంపెనీల్లో ఉద్యోగ అవకాశాలు కల్పించేందుకు ఈ నెల 14వ తేదీ జాబ్‌మేళా నిర్వహిస్తున్నామని ఎన్టీఆర్‌ జిల్లా ఉపాధి కాల్పనాధికారి డి.విక్టర్‌బాబు మంగళవారం ఓ ప్రకటనలో తెలిపారు. విద్యాధరపురం రోటర్‌ నగర్‌లోని నేషనల్‌ అకాడమీ ఆఫ్‌ కన్‌స్ట్రక్షన్‌ (ఎన్‌ఏసీ) శిక్షణ కేంద్రంలో ఈ జాబ్‌మేళా జరుగుతుందని పేర్కొన్నారు.
Job Mela Job mela in vijayawada
ఇన్నోసోర్స్‌ సర్వీసెస్‌ ప్రయివేట్‌ లిమిటెడ్‌, అపోలో ఫార్మసీస్‌ లిమిటెడ్‌, ఎస్‌బీఐ పేమెంట్స్‌ ప్రయివేట్‌ లిమిటెడ్‌, పెయిర్‌ డీల్‌ కాపిటల్‌ మొదలైన సంస్థల ప్రతినిధులు ఈ జాబ్‌మేళాలో పాల్గొని అభ్యర్థులకు నేరుగా ఇంటర్వ్యూలు నిర్వహించి, తమ కంపెనీల్లో ఉద్యోగాలకు ఎంపిక చేస్తారని వివరించారు.
పదోతరగతి, ఇంటర్మీడియెట్‌, డిగ్రీ, పీజీ విద్యార్హలు ఉండి 18 నుంచి 60 ఏళ్ల లోపు వారు ఈ జాబ్‌మేళాలో పాల్గొనడానికి అర్హులని పేర్కొన్నారు. మరిన్ని వివరాలకు 97000 25833 సెల్‌ నంబరులో సంప్రదించాల్సిందిగా ఆయన సూచించారు.
జాబ్‌మేళా ముఖ్యసమాచారం
ఎప్పుడు: నవంబర్‌ 14 ఎక్కడ: విద్యాధరపురం రోటర్‌ నగర్‌,ఎన్‌ఏసీ శిక్షణ కేంద్రం, విజయవాడ
