విశ్లేషణాత్మకంగా..సివిల్స్ ప్రిలిమ్స్ పేపర్ - 2

కీలకం:
పేపర్-2లో అత్యంత ముఖ్యమైనది, ఎక్కువ మార్కులు వస్తున్న అంశం లాజికల్ రీజనింగ్, అనలిటికల్ ఎబిలిటీ.
రీజనింగ్ అభ్యర్థి నిర్ణయాత్మక శక్తిని తెలుపుతుంది. క్లిష్ట సమయాల్లో అభ్యర్థి ఎంత త్వరగా నిర్ణయాలు తీసుకోగలరో తెలుసుకోవడానికి ఈ అంశాన్ని ప్రవేశపెట్టారు. ఇందులో Inferences, Syllogism (Two statements syllogism, three statements syllogism), Reasoning with arguments, Reasoning with Assumptions, Course of action, Reading passages పై ఎక్కువగా దృష్టి సారించాలి. ఈ ప్రశ్నల కోసం అభ్యర్థులు కొత్తగా నేర్చుకునేది ఏమీ ఉండదు. ఇచ్చిన అంశాలనే జాగ్రత్తగా పరిశీలిస్తే అందులోనే సమాధానాలు కనిపిస్తాయి.

డెసిషన్ మేకింగ్, ప్రాబ్లమ్ సాల్వింగ్:
ఒక ప్రభుత్వ అధికారికి ఈ స్కిల్స్ ఎంతో అవసరం. ఇందులో కొంత సమాచారం ఇచ్చి, దాని ఆధారంగా నిర్ణయాలు తీసుకోవడం లేదా నిత్య జీవితంలో ఎదురయ్యే సమస్యలకు అభ్యర్థి స్పందన ఎలా ఉంటుందో తెలుసు కునేలా ప్రశ్నలు ఉంటాయి. ఈ ప్రశ్నలకు సమాధానాలు గుర్తించేటప్పుడు.. ప్రశ్నలో ఇచ్చిన విషయంపై అవగాహన కలిగి ఉండాలి. దాని ప్రాముఖ్యత ఏమిటి? అది అతి ముఖ్యమైన విషయమా? కాదా? అత్యవసరమైన విషయమా కాదా? లేదా రెండూనా? వీటికి సంబంధించి ఏ సమాచారం అందుబాటులో ఉంది? ఇచ్చిన సమస్యకు సంబంధించి అనుకూలమైన అంశాలు ఏమేమి ఉన్నాయి? ప్రతి అనుకూల అంశానికి మెరిట్స్, డీమెరిట్స్ పరిశీలించి వీటి ఆధారంగా సరైన సమాధానాన్ని ఎన్నుకోవాలి. కొన్ని సందర్భాల్లో నిత్యజీవితంలో ఎదురయ్యే ఏదో ఒక సమస్య ఇచ్చి, ఆ సందర్భంలో మీరు (అభ్యర్థి) ఉంటే ఏం చేస్తారని అడిగి, నాలుగు ఆప్షన్‌‌స ఇస్తారు. అవి నాలుగు కూడా సరైన సమాధానాలుగా ఉండొచ్చు. ఇలాంటప్పుడు అందులో బెస్ట్‌గా ఉన్న సమాధానాన్ని ఎన్నుకోవాలి.

జనరల్ మెంటల్ ఎబిలిటీ:
పరీక్ష కోణంలో ఈ అంశానికి కూడా అధిక ప్రాముఖ్యత ఉంది. ఇందులో ముఖ్యంగా రెండు రకాల ప్రశ్నలు ఉన్నాయి. అవి... వెర్బల్ రీజనింగ్ , నాన్ వెర్బల్ రీజనింగ్. వెర్బల్ రీజనింగ్ ప్రశ్నలకు త్వరగా సమాధానాలు గుర్తించాలంటే కింది అంశాలపై పట్టు సాధించాలంటే.. A నుంచి Z వరకు, Z నుంచి A వరకు వేగంగా చదవగలగడం, A నుంచి Z వరకు వాటి స్థాన విలువలు (A-1, B-2, ... Z-26), A నుంచి Z వరకు తిరోగమన స్థాన విలువలు (A-26, B-25, ... Z-1), A నుంచి Z వరకు తిరోగమన స్థానాక్షరాలు (A-Z, B-Y, C-X, ... Z-A, Y-B..), వివిధ రకాల సంఖ్యలపై అవగాహన 1 నుంచి 15 వరకు ఘనాలు, 1 నుంచి 35 వరకు వర్గాలు, 100 లోపు ఉన్న ప్రధాన సంఖ్యలు, 20 వరకు టేబుల్స్ (ఎక్కాలు)పై అవగాహన పెంచుకోవాలి. వీటితోపాటు సిరీస్, అనాలజీ, క్లాసిఫికేషన్, కోడింగ్, డీకోడింగ్, రక్త సంబంధాలు, దిక్కులు, తార్కిక వెన్ చిత్రాలు, గణిత పరిక్రియలు, ఒక పట్టికలో లోపించిన సంఖ్యలు లేదా అక్షరాలపై కూడా దృష్టి సారించాలి.

బేసిక్ న్యూమరసీ:
ఈ విభాగంలోని ప్రశ్నల విశ్లేషణ.. ఇంటర్, డిగ్రీలలో అభ్యర్థులు ఏ గ్రూప్ తీసుకున్నా పదోతరగతి వరకు అందరూ తప్పనిసరిగా గణితాన్ని చదివిన వారే. ఆరో తరగతి నుంచి పదో తరగతి వరకు గణితంలో ఉన్న అంశాలనే ప్రాథమిక సంఖ్యావాదం, సూక్ష్మీకరణ, కాలం- దూరం, కాలం-పని, సరాసరి, నిష్పత్తి- అనుపాతం, శాతాలు, కసాగు, గసాభా, సాధారణ వడ్డీ, చక్రవడ్డీ, లాభం-నష్టం, భాగస్వామ్యం, వైశాల్యాలు, ఘనపరిమాణాలు, ప్రస్తారాలు, సంయోగాలు, సంభావ్యత మొద లైన అంశాలపై ప్రశ్నలు సాధన చేయాలి. దీనికోసం హైస్కూల్ గణిత పుస్తకాలను సాధన చేస్తే సరిపోతుంది. ఈ ప్రశ్నలను వేగంగా చేయాలంటే ప్రాథమిక సంఖ్యావాదం - వివిధ రకాల సంఖ్యలు, భాజనీయత సూత్రాలు, 35 వరకు వర్గాలు, 15 వరకు ఘనాలు, 100లోపు గల ప్రధాన సంఖ్యలు, 20 వరకు ఎక్కాలు, కూడిక, తీసివేత, గుణకారం, భాగహారాలను వేగంగా చేయడంపై అవగాహన పెంచుకోవాలి.

గత ప్రశ్నలు
2011 questions