సర్కారు బడుల్లోని 8, 9 తరగతుల విద్యార్థులకు 30న స్లెస్

వంద మార్కుల ప్రశ్నపత్రంతో పరీక్ష నిర్వహించి విద్యార్థుల సామర్థ్యాన్ని పరిశీలించనుంది. 30న ఉదయం 10.30 గంటల నుంచి మధ్యాహ్నం ఒంటిగంట వరకు జరిగే ఈ పరీక్ష ఓఎంఆర్ పత్రం ఆధారంగా నిర్వహిస్తారు. రాష్ట్ర వ్యాప్తంగా 5,449 ప్రభుత్వ, జిల్లా పరిషత్ ఉన్నత పాఠశాలల్లోని తెలుగు, ఉర్దూ, ఇంగ్లిష్ మీడియం కేటగిరీల్లో 4.84 లక్షల మంది విద్యార్థులు ఈ పరీక్ష రాయనున్నారు. ఇందులో 8వ తరగతికి సంబంధించి 2.41 లక్షలు, 9వ తరగతికి సంబంధించి 2.43 లక్షల మంది విద్యార్థులున్నారు. తదుపరి తరగతిలో ఆ విద్యార్థి స్థాయిని సైతం అంచనా వేసేందుకు ప్రస్తుత సామర్థ్యాన్ని పరిగణనలోకి తీసుకుంటారు. ఇందుకుగాను విద్యార్థుల సామర్థ్యాలను విద్యాశాఖ రికార్డు చేయనుంది. ప్రస్తుతం 8, 9 తరగతుల విద్యార్థులే స్లెస్‌లో పాల్గొంటుండగా.. వచ్చే ఏడాది నుంచి 7వ తరగతి విద్యార్థులను కూడా ఇందులో భాగస్వామ్యం చేయనున్నట్లు పాఠశాల విద్యాశాఖ కమిషనర్ విజయ్‌కుమార్ పేర్కొన్నారు.