సచివాలయాల సిబ్బంది శిక్షణ పరీక్షల్లో ఉత్తీర్ణులైతేనే.. ప్రొబేషన్ పూర్తి!

బుధవారం వార్డు సచివాలయాల మాస్టర్ ట్రైనర్లు, వైఎస్‌ఆర్ జిల్లా గ్రామ సచివాలయాల మాస్టర్ ట్రైనర్ల శిక్షణ కార్యక్రమాల ప్రారంభోత్సవంలో ఆయన మాట్లాడారు. గ్రామ, వార్డు సచివాలయ సిబ్బంది రెండేళ్ల ప్రొబేషన్‌లో ఉన్నారని, ఈ రెండేళ్ల కాలంలో వారికి అనేక రకాల శిక్షణ కార్యక్రమాలు ఉంటాయన్నారు. విధుల నిర్వహణ, ప్రభుత్వ పథకాలు, ప్రవర్తనా నియమావళి గురించి నిర్వహించే ఈ శిక్షణ కార్యక్రమంలో నాలుగు దఫాలుగా పరీక్షలు నిర్వహిస్తారని ఈ పరీక్షల్లో ఉత్తీర్ణులు కాలేకపోతే ప్రొబేషన్ పొడిగింపు ఉంటుందన్నారు. ప్రతి ఉద్యోగి కంప్యూటర్ పరిజ్ఞానం కలిగి ఉండాలని, డిజిటల్ సహాయకులు సెలవులో ఉంటే, సచివాలయాల్లో పనిచేసే ఇతర సిబ్బంది డిజిటల్ సేవలు అందించడానికి సంసిద్ధులుగా ఉండాలన్నారు.