డిగ్రీ కాలేజీల్లో కొత్త కోర్సులకు.. ఉన్నత విద్యా మండలి నోటిఫికేషన్

యాజమాన్యాల నుంచి మార్చి 12వ తేదీ వరకు దరఖాస్తులు స్వీకరించేందుకు చర్యలు చేపట్టింది. అలాగే అదనపు సీట్లు, సెక్షన్లు కూడా మంజూరు చేసేందుకు దరఖాస్తు చేసుకోవాలని పేర్కొంది. దీంతోపాటు పీజీ కాలేజీల్లోనూ కొత్త కోర్సులు, అదనపు సెక్షన్ల మంజూరుకు సైతం నోటిఫికేషన్ జారీ చేసింది. అలాగే కోర్సుల విత్‌డ్రా, మీడియం మార్పు కోసమూ దరఖాస్తు చేసుకోవాలని వెల్లడించింది. అయితే గత విద్యా సంవత్సరంలో 60 శాతం ప్రవేశాలు ఉన్న కాలేజీల్లోనే కొత్త కోర్సులు, అదనపు సెక్షన్లు ప్రారంభించేందుకు అనుమతి ఇవ్వాలని నిర్ణయించింది. తద్వారా నాణ్యత ప్రమాణాలు పాటించే కాలేజీల్లోనే సీట్లను పెంచనున్నట్లు మండలి వర్గాలు పేర్కొన్నాయి. గతేడాది 50-60 శాతంలోపు సీట్లు భర్తీ అయిన కాలేజీలు 110 వరకు ఉండగా, 60-70 శాతంలోపు సీట్లు భర్తీ అయిన కాలేజీలు 90 వరకు ఉన్నాయి. 70-80 శాతంలోపు సీట్లు భర్తీ అయినవి 67 ఉండగా, 80 శాతానికి పైగా సీట్లు భర్తీ అయినవి 50 వరకు ఉన్నాయి. ఈ నేపథ్యంలో ఒక్కో కాలేజీలో సగటున 100 సీట్లు పెరిగే అవకాశం ఉంటుందని, దాంతో డిగ్రీ కాలేజీల్లో వచ్చే విద్యా సంవత్సరంలో 20 వేల సీట్లు పెరిగే అవకాశం ఉందని మండలి వర్గాలు పేర్కొన్నాయి. అయితే కోర్సులను ఉపసహరించుకునేవి పరిగణనలోకి తీసుకుంటే 5 వేల వరకు సీట్లు తగ్గే అవకాశం ఉంటుందని వెల్లడించాయి. మరోవైపు మండల పరిధిలో డిగ్రీ కాలేజీలను షిప్ట్ చేసుకునేందుకు 40 వరకు కాలేజీలు దరఖాస్తు చేసుకున్నాయి.