వలంటీర్ల ఉద్యోగాలు మరో ఏడాది పొడిగిస్తూ ప్రభుత్వ ఉత్తర్వులు

వలంటీర్ వ్యవస్థకు శ్రీకారం చుట్టిన సీఎం వైఎస్ జగన్ గతేడాది ఆగస్టు 15న రాష్ట్రవ్యాప్తంగా గ్రామ, పట్టణ ప్రాంతాల్లో కలిపి 2.60 లక్షల మంది వలంటీర్లను నియమించారు. అప్పట్లో ప్రాథమికంగా ఏడాది కాలానికి గానూ వారికి నియామక పత్రాలు అందించారు. ఆ సమయం ముగియడంతో వారి ఉద్యోగ వ్యవధిని మరో ఏడాది పొడిగిస్తూ గ్రామ, వార్డు సచివాలయాలు, వలంటీర్ల శాఖ ముఖ్య కార్యదర్శి అజయ్‌జైన్ ఉత్తర్వులిచ్చారు.