JEE Mains 2025 Session-2 Registration Last date: జేఈఈ మెయిన్స్‌ సెషన్‌-2కు అప్లై చేశారా? రేపే చివరి రోజు

Sakshi Education

జేఈఈ మెయిన్స్‌ 2025కు అప్లై చేయారా? రిజిస్ట్రేషన్‌ గడువు రేపటితో(ఫిబ్రవరి 25)తో ముగియనుంది. ఈ నేపథ్యంలో ఇంకా అప్లై చేసుకోని విద్యార్థులు వీలైనంత త్వరగా సెషన్‌-2కు దరఖాస్తు చేసుకోవాలని, చివరి నిమిషంలో సాంకేతిక సమస్యలతో ఇబ్బంది పడొద్దని NTA తెలిపింది. ఇప్పటికే పరీక్షల షెడ్యూల్‌ విడుదలైన సంగతి తెలిసిందే.సెషన్‌-2 పరీక్షలు ఏప్రిల్‌లో జరగనున్నాయి. విద్యార్థులు అధికారిక వెబ్‌సైట్ jeemain.nta.nic.in.లో రిజిస్ట్రేషన్ చేసుకోవచ్చు. దేశ వ్యాప్తంగా ఎన్‌ఐటీలు, ట్రిపుల్‌ఐటీలు, కేంద్ర ప్రభుత్వ నిధులతో నడిచే సాంకేతిక విద్యా సంస్థల్లో ప్రవేశాలకు ఈ ఎంట్రన్స్‌ టెస్ట్‌ను నిర్వహిస్తారన్న విషయం తెలిసిందే.

జేఈఈ మెయిన్స్‌ సెషన్‌-2: ఏప్రిల్‌ 1 నుంచి 8, 2025 వరకు జరగనుంది.

అవసరమైన డాక్యుమెంట్స్‌:

👉 ఇమెయిల్ & మొబైల్ నంబర్
👉 10వ తరగతి సర్టిఫికేట్
👉 ఆధార్ కార్డు వివరాలు
👉 స్కాన్ చేసిన ఫోటో & సంతకం
👉 OBC-NCL/EWS సర్టిఫికేట్ వివరాలు

జేఈఈ మెయిన్ సెషన్ 2 2025కు దరఖాస్తు ఎలా చేయాలి?

ఎలా అప్లై చేసుకోవాలంటే (How to register for JEE Mains 2025):

అధికారిక వెబ్‌సైట్ www.jeemain.nta.nic.in సందర్శించండి.
రిజిస్ట్రేషన్ లింక్‌పై క్లిక్ చేయండి.
లాగిన్ అయి, సంబంధిత వివరాలతో అప్లికేషన్ ఫారం నింపండి.
ఫోటో, సంతకం అప్‌లోడ్ చేయండి.
అప్లికేషన్ ఫీజు చెల్లించి, కన్ఫర్మేషన్ పేజీ డౌన్‌లోడ్ చేసుకోండి.
విష్యత్‌ అవసరాల కోసం రిజిస్ట్రేషన్‌ ఫారమ్‌ను డౌన్‌లోడ్‌ లేదా ప్రింట్‌ అవుట్‌ తీసుకోండి.